Домашен
Вардар елиминиран од АПОЕЛ
Фудбалерите на Вардар го завршија својот настап во европските купови за оваа сезона. Иако не загубија во двомечот со АПОЕЛ , Кипраните ја минаа втората фаза благодарение на постигнатиот гол на гостински терен. Вардар, во реванш натпреварот од второто квалификациско коло во Лигата на шампионите, одигра нерешено со АПОЕЛ во Скопје 1:1 (0:0).
Првиот меч на Кипар заврши без победник 0:0, па Вардар со многу оптимизам го дочека реваншот во Скопје. Сепак АПОЕЛ го покажа искуството, го наметна својот стил на игра, во поголемиот дел од мечот ја контролираше играта и успеа да се пласира во наредната рунда каде ќе игра против Митјиланд.
Единствениот гол на натпреварот го постигна Де Винсенти на почетокот на 60-та минута од натпреварот. Стрелец за Верадар беше Љамчевски во 94.минута.
Тек на натпреварот:
Кипраните уште од самиот почеток притиснаа кон голот на Вардар и на истекот на првата минута Де Висенти повлече по левата страна, но неговиот налет го спречи Мијушковиќ.
Ваќе во наредниот напад Попов со упати дијагонала на десната страна но Гроздановски не успеа да ја иконтрлира топката.
АПОЕЛ продолжи со притисокот и во нарендите минути, а во 13-та Кипраните ја имаа првата стопроцентна шанса за гол, Виеира Вандер проби по средината упати длабинска топка кон Винциус кој од 15 метри упати удар кој Пачовски со прекрсна парада го исфрли во корнер.
Првата сериозна акција Вардар ја создаде во 24-та минута преку Фелипе кој убаво мина крај двајца играчи упати удар од 23-24 метри, кој заврши крај стаивата од голот на Ватерман.
Четири минути подоцна уште една серизна закана имаа вардаровите фудбалери, по слободниот удар на Блажевски Грнчаров од седум метри упати удар кој заврши на голот на АПОЕЛ.
Во 39-та минута италијанскиот арбитар Давиде Маса го покажа првиот жолт картон. Винциус со опструкција спречи да се развие полуконтрата на Вардар и заработи опомена.
Вардар изведе опасна кација во 40-та минута, Гроздановски проби по десната страна во шеснаесетникот го проигра Дашијан, Ерменецот му ја врати топката на Велковски кој од 18 метри биеше над голот.
Во претпоследната минта од првото полувреме ‘пожолте’ уште еден играч на АПОЕЛ, Сотириу доби жолт картон поради прекршокот врз Фелипе. По кипарскиот играч јавна опонема заработи и Гроздановски.
До крајот на првиот дел АПОЕЛ изврши дополнителен притисок кон голот на Вардар но резултатот остана 0:0.
Вардар во второто полувреме, односно на неговиот почеток, повеќе ја контролираше топката, не им дозволуваше на Кипраните да започнат напад и во 53-та минута Блажевски упати безопасен удар по средината на голот иако имаше и подобри решениа за да ја заврши акцијата.
Три минути подцна Попов одново упати дијагонала кон десната страна, Горздановски се обиде со глава да го проигра Блажевски но неговото додавање заврши во рацете на голманот на АПОЕЛ.
Во моментот кога Вардар имаше целосна контрола врз настаните на теренот Де Винсенти во60-та минута го замолкна „Филип Втори“. Најдобриот играч на АПОЕЛ Виеира Вандер повлече една топка низ средината го проигра Де Винсенти кој и избега на вардаровата одбрана и од 12 метри го совлада Пачовски.
Десетина минути му требаше на Вардар да се врати од шокот, кој го предизвика примениот гол. Претходно тренерот Андреев ја направи првата измена Стојков го замени Велковски.
Фелипе по една долга и течна акција на Вардар, во 68-та минута, упати удар од работ на шеснаесетникот но неговиот удар го изблокира Астиз па топката лесно ја скроти голманот Ватерман.
Две минути подоцна се закани Виеира Вандер, тој упати удар од 20-тина метри кој заврши крај голот на Пачовски.
Нова опасна ситуација пред голот на Вардар креираше стрелецот на голот Де Висенти во 75.минута, тој одново доби топка во шеснаесетникот на Вардар но неговото додавање кон Нектариос во последен момент во корнер го исфрли Намбарџумјан.
Нов опасен напад Кипраните креираа во 82-та минута Штилиќ нафрли од левата страна, а стрелецот на голот Де Винсенти се обиде со глава, но ударот заврши над голот на Пачовски.
Една минута подоцна во 100-отстотна гол шанса се најде Леал Луис, но во ситуација ‘еден на еден’ Пачовски со брилијантна интервенција го сочува својот гол.
Филип Ивановски во 90-та минута задоцни по нафрлувањето на Стојков.
Вардар израмни во 94-та минута, Љмчевски биеше од левата страна топката на патот кон голот закачи некој од дефанзивците на АПОЕЛ и заврши зад грбот на Ватерман.
Вардар: Пачовски, Попов, Мијушковиќ, Грнчаров, Намбарџумјан, Глигоров, Дашијан (од 79.минута Ивановски), Гроздановски од 70.минута Љамчевски), Велоковски (од 64.минута Стојков), Фелипе, Блажевски.
АПОЕЛ: Ватерман, Антониадес, Астиз, Винциус, Марио Сержо, Нуно Мигел, Макридис, Виериа Вандер (од 73.минута Нектариос), Сотириу (од 55.минута Штилиќ) , Де Винсенти (од 85.минута Јоану), Леал Луис. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.