Домашен
Вардар ќе отвора регионални единици за млади категории
Фудбалскиот клуб Вардар и машкиот и женски ракометен клуб Вардар во четвртокот презентираа проектот за отворање на регионални единици за млади категории во двата спорта.
По тој повод, во зеднички проект, Ф.К. Вардар, и ракометните клубови на Вардар ќе се отвори оглас за мобилизација на спортски кадри, стручњаци со искуство во работата со млади во двата спортови кои би придонеле за зголемување на квантитетот и на квалитетот на младите фудбалери, ракометари и ракометарки.
Огласот ќе биде отворен на 15 август, а на интернет-страниците на трите клубови детално ќе бидат наведени условите кои треба да ги исполнуваат сите кандидати.
„Проектот има за цел да го развие младинскиот спорт во фудбалот и ракометот. Ги повикуваме сите спортски работници од областа на фудбалот и ракометот да аплицираат на огласот кој ќе го објавиме во понеделник и кој ќе трае до 15-ти август, доколку ги исполнуваат сите критериуми пропишани во огласот да се отповикаат и заеднички да започнеме нешто што за прв пат се организира во нашата држава,“ изјави извршниот директор на Ф.К. Вардар, Самоил Симев.
„Истите услови кои ќе важат за фудбалскиот дел ќе важат и за ракометниот дел. Нашата визија преку овој проект е клубот Вардар да биде подостапен за сите таленти во спортот, клуб кој ќе применува современи методи за развој на младите спортисти и клуб кој ќе се грижи за својата иднина,“ изјави координаторот на младинските категории во Р.К. Вардар, Тања Медвед
Оваа година имаме малку поголеми вложувања, затоа што донесовме звучни засилувања, Вардар доволно покажува и допрва ќе покаже колку вложува во македонскиот спорт. Инвестицијата од 15 милиони евра во СЦ Јане Сандански е подарок од Вардар за сите спортски федерации, сите спортисти и репрезентации што ќе го користат“, изјави Давор Стојаноски извршниот директор на Р.К Вардар.
Со овој голем проект, Вардар докажува дека се грижи, верува и инвестира во нашата младина. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.