Домашен
Вардар против Мешков Брест ја отвора новата сезона
Ракометарите на Вардар со натпреварот против Мешков Брест во СЕХА лигата, во вторник, ќе стартуваат во натпреварувачката сезона 2016/2017. Вардар е двократен шампион во СЕХА лигата, минатата сезона во ова натпреварување го освои второто место.
Амбициите на РК Вардар во новата СЕХА сезона се јасни, пласман на завршниот турнир и освојување на титулата, иако регионалното натпреварување оваа сезона е најсилно од основањето.
Покрај македонскиот првак Вардар и бранителот на трофејот Веспрем, во лигата ќе се натпреваруваат уште неколку тимови кои се натпреваруваат и во Лигата на шампионите.
„Одработивме добри подготовки, трениравме многу. Во овој процес беа приклучени и нашите млади играчи. На последниот тренинг пред мечот ќе ни се приклучат Карачиќ, Циндриќ и Чупиќ. Мешков е добар противник, во текот на подготовките игравме против нив и загубивме со три гола разлика. Иако беше пријателски натпревар, ние не одигравме добро. Мешков е една од најдобрите екипи во СЕХА лигата, има добри играчи кои играат паметно, но ние сме подготвени, треба да имаме висок интензитет во играта“, рече на првиот прес на РК Вардар во новата сезона, тренерот на тимот Раул Гонзалес.
„СЕХА лигата од година в година е сѐ посилна и посилна, а оваа година е најсилна досега со влезот на тимовите од Словенија. Сепак, амбициите на Вардар не се менуваат, најпрво ќе атакуваме на првото место. Мешков Брест е посилен него што беше минатата сезона. Очекувам тежок меч, но ние ќе сториме сѐ сезонава да ја започнеме со победа“, рече новиот капитен на Вардар, Столе Стоилов.
Мечот се Мешков Брест треба да биде официјално деби за новите играчи кои Вардар го засилија во летниот преоден рок: Шпанецот Канељас, црногорскиот репрезентативец Борозан, Бразилецот Рожерио и искусниот хрватски репрезентативец Чупиќ.
„Премногу е рано да се зборува за новите играчи, различно е кога се играат пријателски и официјални натпревари. Мислам дека сега имаме ‘подолга’ клупа од лани, тимот доживеа промени. Добро е што можеме да играме без промени (напад-одбрана), но, сепак, потребно е време за да се воиграме, бидејќи немавме доволно време за заеднички тренинзи. Јас очекуам многу од овој тим“, рече Шпанецот на клупата на Вардар.
Натпреварот во СЕХА конкуренцијата Вардар-Мешков Брест кој на програмата е во вторник ќе започне во 20:30 часот во СЦ „Јане Сандански“./крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.