Домашен
Вардар славеше над Цеље
Ракометарите на Вардар го совладаа Цеље со 34:32 (19:17), во натпревар од седмото коло во Ц групата во Лигата на шампиони. Со победата над словенскиот тим Вардар ја прекина серијата од два порази кои ги доживеа од унгарски Веспрем.
Вардар и Цеље одиграа квалитетен и ефикасен натпревар, а ‘црвено-црните’ победата ја обезбедија во втората половина од второто полувреме кога и ја направија максималната предност од пет гола. Инаку во тој период од играта Сергеј Горбок ги постигна своите пет гола.
Вардар од самиот почеток на натпреварот ја прифати и на вистински начин одговори на брзата игра која ја форсира Цеље. Карачиќ добро го отвори натпреварот, со два гола во првите пет минути го предводеше Вардар предност од три гола (5:2).
На вардаровата серија, Цеље одговори во наредните седум минути кога стигна до израмнување на резултатот (6:6), а нбргу потоа и до првото водство на мечот (7:8).
Следуваше период во играта кога двете екипи наизменично постигнаа по два гола, а потоа Вардар со серија од три гола повотрно успеа да се ‘одлепи’ од својот противник (12:10).
Во тие моменти во нападот на Вардар доминираа кружните напаѓачи, најпрвин Тоскиќ, а потоа и Чипурин.
Цеље за момент однново успеа да воспостави резултатска рамнотежа (15:15) и тоа најмногу благодарение на одличниот среден бек, Зарабец кој во првото полувреме постигна осум гола.
Последните десет минути од првиот дел ги одбележа голманот на Вардар Арпад Штербик, кој со неколку одбрани му овозможи на својот тим повторн да ја врати предноста од три гола.
Како што го заврши првиот така Вардар го започна и вториот дел, пред се во нападот и во 36.минута ‘црвено-црните’, стигнаа до максималната предност од четири гола (22:18).
Имаа ‘црвено-црните’ можност да ја зголемат разликата, но иако речиси две минути на теренот имаа двајца ракметари повеќе му дозволија на противникот да се врати во мечот (23:22).
Во продолжение на натпреварот Вардар го држеше противникот на гол разлика, најмногу благодарение на Горбок кој во серија постигна три гола.
Максималната предност од четири гола Вардар ја врати на истекот од 48.минута (30:26), а потоа цепелинот на Карачиќ и Брумен и новиот гол на Горбок предноста се искачи на пет гола (32:27).
До крајот на натпреварот Цеље се обиде но не успеа да ја оспори победата на Вардар.
Карачиќ со шест, односно Тоскиќ и Горбок со по пет гола го предводеа Вардар до четвртата победа во Лигата на шампиони, додека кај Цеље со учинокот се истакнаа Слишковиќ со девет и Забралец со осум голови. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.