Домашен
Вардарки со реми ја отворија сезоната во ЛШ
Ракометарките на Вардар ремизираа со Ференцварош 27-27 (17-14), во првиот натпревар, во новата сезона во Евролигата. Мечот во „Јане Сандански“ се решаваше во финишот, а последниот гол и конечниот резултат го постави Лакабер од седмерец. На овој меч за Вардар дебитираа Лакабер, Херем и Масвар (одигра само две минути), додека на клупата мечот го преседеа Песоа и Илина.
Ракометарките на Вардар, без повредените Лекиќ и Кликовац, со засилувањата Лакабер, и Херем, предводени од Пенезиќ. Не успеаја да стартуваат со победа во новата сезона, во Лигата на шампионките.
„Црвено-црните“ и Ференцварош одиграа квалитетен натпревар, во кој најголемата предност на Вардар изнесуваше четири, а на Ференцварош два гола.
Вардар од почетокот го диктираше темпото, но не успеа да создаде предност поголема од два гола. Дури во финишот со голот на Лакабер ја надминаа границата од два гола и со 17-14 заминаа на полувреме.
Веднаш на почетокот од второто полувреме вардарки стигнаа до највисоките четири гола позитива (18-14), но гостинките не дозволија противникот дополнително да се „одлепи“.
Ференцварош одговори со серија 2-6 и во 41-та минута ги врати работите на почетокот (20-20).
Во наредните девет минути најпрвин Вардар направи серија 3-1, а потоа гостинките одроворија со иста мерка за 24-24 во 50-та минута.
Ференцварош, по двата нереализирани напади на Вардар дојде до минимална предност 25-26. Дамата кулминираше во последните две и пол минути, Ковачич беше исклучена, Вардар израмни преку Пенезиќ, потоа Сучански ја врати предноста кај Ференцварош. На 50 секунди до крајот Лакабер погоди од седум метри за 27-27.
Унгарките со ракометарка помалку не успеаја да организираат добар напад, обидот на Пена заврши над голот. Кастратовиќ побара тајм-аут, аВардарки последниот напад на 10 секунди до крајот го организираа со седум ракометарки во поле без голман.
По тајм-аутот почетника грешка направи Лакабер, на знакот на судиите да започне играта таа не ја подаде топката туку тргна во напад, судиите досудија неправилно водење. Топката заврши кај Сучански но нејзиниот обид од половина терен да го погоди празниот гол заврши во дирекот.
Пенезиќ го предводеше Вардар со осум голови, два повеќе од Лакабер, која покажа дека ќе биде големо засилување за тимот на Индира Кастратовиќ. На спротивната страна Ковачиќ и Сучански постигнаа по седум, а Пена шест голови. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.