Домашен
ЖРК Вардар победи на турнирот во СЦ „Јане Сандански“
Ракометарките на Вардар го освоија Меѓународниот турнир „Вардар 2015“, во финалето тие славеа над Ростов со 29:24 (14:14).
‘Црвено црните’ девојки и новните противнички од Ростов во првото полувреме одиграа со многу нервоза и осцилации. Двете екипи во серија постигнуваа голови и постојано се менуваа во водството.
На стартот ракометарките на Вардар поведоа со 3:1, на што Ростов возврати со иста таква серија и предност од 4:5. Без поголеми пресврти и со технички грешки на двете страни се играше се до 22.минута кога Ростов успеа да стигне до највисоката предност од 9:12.
Тај-аутот на Кастратовиќ вроди со плод и Вардар до серија од 4:0 (во која два гола од седмерец постигна Пенезиќ) ја врати предноста на своја страна (13:12).
До крајот на полувремето Вардарки постигнаа еден, а противничките два гола за резултат 14:14 по 30 минути игра.
Второто полувреме започна со по три гола на двете екипи, а потоа Вардар во 38.минута успеа да создаде предност од два гола (19:17), но Ростов успеа да се врати најпрвин израмни на 22:20, а на половина од вторито дел резултатот беше 22:22.
Вардарки предноста од два гола (24:22) ја вратија во 48.минута, кога еднаш погоди Лазовиќ во ситуација со играч помалку, а потоа и Лекиќ.
Вардар го подигна нивото на својата игра кога голманката Суслина ја ‘спушти Ролетната’ на својот гол, со неколку атрактивни интервенции да овации на отворена сцена од малубројната публика.
Суслина ја иницираше серијата со која вардар го реши победникот, руската голманка во последните десет минути од натпреварот прими само два гола.
Пенезеиќ со седум, односно Лекиќ со пет гола го предводеа тимот на Вардар до победата, додека кај Ростов најефикасни беа Бобровинко и Илина со по пет голови. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.