Спорт
Дончиќ испадна од конкуренција за индивидуалните награди

Лука Дончиќ повеќе нема да има право да конкурира за индивидуалните награди оваа сезона во НБА лигата.
Ѕвездата на Далас Маверикс ќе го пропушти неделниот натпревар против Денвер Нагетс, што не е изненадување со оглед на тоа дека веќе е надвор од теренот поради повреда на левата потколеница и се очекува да отсуствува најмалку уште две недели.
Дуелот со Денвер ќе биде 17-ти натпревар што Дончиќ го пропушта оваа сезона, со што ќе ја прекине серијата од пет последователни појавувања во All-NBA First Team изборот.
Исто така, тој автоматски е елиминиран од трката за наградата МВП.
Дончиќ се приклучува на растечката листа на ѕвезди кои нема да го исполнат условот на НБА од 65 натпревари за да можат да бидат во конкуренција за наградите на крајот од сезоната. На таа листа се Каваи Ленард, Џоел Ембид, Зион Вилијамсон, Паоло Банкеро и Чет Холмгрен.
„За жал, тоа е норма сега со правилата кои се поставени“, изјави тренерот на Маверикс Џејсон Кид.
„Кога имате сериозна повреда, тоа може да ве исклучи, но сите знаеме дека тој е еден од најдобрите играчи. Секогаш се споменува како кандидат за наградата МВП”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Плановите на Реал се јасни, се знае кој ќе го замени Анчелоти

Карло Анчелоти ќе го напушти Реал Мадрид на крајот на сезоната и покрај тоа што има договор до јуни 2026 година, тврди познатиот шпански новинар Рамон Алварез.
Клубот веќе ја испланирал иднината, а очекувано на клупата ќе седне Чаби Алонсо.
Феноменалниот 43-годишен стручњак стекна огромна репутација благодарение на исклучителните резултати со Баер Леверкузен, со кој минатата сезона во германскиот фудбал.
„Планот на Реал Мадрид е кристално јасен. Тие сакаат да го ангажираат Чаби Алонсо како замена за Карло Анчелоти од следната сезона“.
Алварез нагласи дека Анчелоти е целосно свесен за ситуацијата и нема дилема што го чека на крајот од оваа сезона.
„Карло Анчелоти знае дека ова се неговите последни месеци на клупата на Реал Мадрид. Тој знае дека Чаби Алонсо ги одбил понудите од Баерн и Ливерпул и знае дека Реал планира иднина со него”.
Чаби Алонсо ја започна својата тренерска кариера во Реал Сосиедад Б, но со доаѓањето во Баер Леверкузен во 2022 година, го направи вистинскиот потег и започна нова ера во историјата на клубот.
Од друга страна, иако во јуни ќе наполни 66 години, Анчелоти не планира да ја заврши кариерата. Тој често нагласуваше дека не размислува за пензија, а се погласни се шпекулациите дека по Реал Мадрид би можел да стане селектор на некоја репрезентација.
Спорт
Општина Битола објави јавен повик за поддршка на спортски клубови и спортски здруженија во кои членуваат деца од ранливи категории

Општина Битола објави јавен повик за финансиска поддршка на спортски клубови и спортски здруженија на територија на Општина Битола во кои членуваат деца од ранливи категории.
Под поимот деца од ранливи категории опфатени се:
- Деца со попреченост,
- Деца од семејства корисници на ГМП.
Спортски клубови и спортски здруженија ќе бидат поддржани со средства од Буџетот на Општина Битола за 2025 година согласно Програмата за активности во областа на спортот и младите во општина Битола за 2025 година. За оваа активност во програмата планирани се вкупно средства во износ од 400.000,00 МКД.
„Евалуацијата ќе ја врши Комисија формирана од Градоначалникот на општина Битола која ќе изврши и распределба на средствата во зависност од бројот на пристигнати барања и бројот на деца кои членуваат во спортските клубови и здруженија. За одобрените средства на секој клуб или здружение пресметани по дете по месец, ќе биде склучен договор помеѓу клубот/здружението и Општина Битола врз чија основа средствата ќе бидат исплатени до крај на 2025 година по претходно донесен извештај за најмалку 50% присуство на детето на тренинзи и активности во тековниот месец. Повикот се однесува за деца кои веќе тренираат во клубот/ здружението односно за деца запишани до денот на објавување на јавниот повик“, велат од Општина Битола.
Временскиот период за кој овој повик се однесува е Јануари – Декември 2025 година. Повеќе информации за јавниот повик, достапни се на следниот линк https://www.bitola.gov.mk/sportski-klubovi-i-zdruzenija/.
Спорт
Газдата на Далас за Дончиќ: Џордан и Брајант даваа се од себе

Патрик Думонт, сопственикот на Далас Маверикс, конечно реши да проговори за трејдот на Лука Дончиќ, откако не престануваат критиките и протестите за потегот што го направи франшизата од Тексас.
Зборувајќи за „Далас морнинг нуз“, Думонт ги отфрли тврдењата дека Дончиќ го напуштил Далас поради финансиски причини и ја сподели својата страна од приказната.
„Тимовите победуваат затоа што сите играчи се фокусирани и го имаат вистинскиот карактер, ја носат вистинската култура, ја покажуваат вистинската посветеност кон работата и работат напорно за да придонесат за исходот на шампионатот. Ако не се работи така, поразите се неизбежни“, објасни тој.
Думонт јасно стави до знаење какви вредности очекува од своите играчи, па ги спомна најголемите НБА легенди.
„Ако ги погледнете великаните на оваа лига, луѓето со кои пораснавме вие и јас: Џордан, Бирд, Коби, Шек, тие работеа навистина напорно, секој ден, со единствен фокус на победата. Ако го немате тоа, тогаш нема резултати. И ако го немате тоа, не треба да бидете дел од Далас Маверикс. Тоа е она што го сакаме. Јас сум категоричен за ова. Целата организација го знае тоа. Така работам надвор од кошарката. Ова е единствениот начин да се биде конкурентен и да се победи. Ако сакате да одите на одмор, не правете го тоа со нас“, рече газдата на Далас и дополни.
„Јас сум голем фан на Лука. Моето семејство исто така. Навистина го ценам она што тој го донесе во овој тим, она што го донесе во Далас. Тој е неверојатен играч. Сакам да знаете дека навистина сочувствувам со сите наши фанови кои се разочарани. Видете, што се однесува до мене, Лука ќе биде „маверик“ засекогаш, а јас навистина му посакувам среќ и успех во кариерата“.