Спорт
Дончиќ ја растури Јута, Бостон го „исчисти“ Бруклин
Кошаркарите на Далас поведоа со 3:2 против Јута во првото коло од плеј-офот на Западната конференција. Меверикс го добија петтиот меч со 102:77, а ги предводеше Лука Дончиќ со 33 поени, 13 скока и пет асистенции. Џејлен Бренсон постигна 24 поени, а Доријан Фини-Смит 13 поени, со пет скока и четири асистенции.
Во тимот на Јута најефикасен беше Џордан Кларксон со 20 поени, а Руди Гобер постигна 17 поени со 11 скока.
Донован Мичел, кој имаше просек од 30 поени во првите четири натпревари, постигна девет поени на овој натпревар и не ги погоди сите седум „тројки“ пред да ја напушти играта во четвртата четвртина поради проблеми со коленото.
Катастрофална вечер во редовите на Јута имаше хрватскиот кошаркар Бојан Богдановиќ кој ги промаши сите девет шута од игра, од кои пет тројки. Богдановиќ имаше само еден скок и една асистенција на паркетот за 28 минути.
На Далас му треба уште една победа за да се пласира во второто коло од плеј-офот, а шестиот натпревар е закажан за четврток навечер.
Бостон Селтикс го победи Бруклин Нетс со 116:112 и ја комлетираше серијата со 4:0 во победи. Кевин Дурент беше стрелец на 39 поени, седум скока и девет асистенции, а Џејсон Тејтум додаде 29 поени.
Торонто Репторс стигна до убедлив триумф (103:88) против Филаделфија и намали негативата на ривалот на 3:2 победи. Паскал Сијакам го предводеше Торонто со 23 поени, десет скока и седум асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.