Спорт
Драгиќ го реши Портланд, нов трипл-дабл за Леброн (Видео)
Кошаркарите на Мајами, Минесота, ЛА Лејкерс, ЛА Клиперс и Мемфис забележаа победи изминатата ноќ во НБА лигата. Леброн Џејмс запиша нов трипл-дабл, Горан Драгиќ го одигра најдобриот меч од почетокто на сезоната, а Клиперс имаа тројца кошаркари со 30+ поени.
Лејкерс, предводени од Ентони Дејвис и Леброн Џејмс славеа над Детроит Пистон 106:99. Квалитетот на овие двајца им ја донесе победата на Лејкерс. Детроит беа во натпреварот во целиот негов тек, но немаа сили за изненадување. Леброн забележа 21 поен, 14 скока и 11 асистенции, а Дејвис 24 поени, 11 скока и 8 блокади. Детроит го предводеше Дерик Роуз со 28 поени.
Мајами ги совладаа Портланд Трејлблејзерс 122:111. Словенецот Драгиќ ги предводше Мајами со 29 поени (7 тројки) и 13 асистенции. На споритвната страна се истакнаа Демијан Лилард (34 поени и 12 асистенции), односно Хасан Вајтсајд (21 поен и 18 скока).
Минесота го искористи хаосот што владее во екипата на Кливленд Кавалирс и убедливо победи во Охајо 118:113.
Минесота играат одлично без своите најголеми ѕвезди Карл-Ентони Таунс и Ендру Вигинс. Без нив двајца имаат четири победи во низа. Против Кливленд предводници беа Џорди Џенг со 25 поени и 13 скока, односно Шабаз Нејпир со 21 поен.
ЛА Клиперс одиграа чуден меч и со многу труб славеа над Њујорк Никс 135:132. Клиперс примија 45 поени и имаа негатива од 16 поени во првата четвртина, но се вратија во мечот во вториот период кога постигнаа 47 поени. На крајот кај Клиперс се истакнаа Монтрез Херел со 34, Пол Џорџ со 32 и Лу Вилијамс со 32 поени и 9 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.