Драма на Западот – Лејкерс и Хјустон во борба за четвртото место

Лос Анџелес Лејкерс и Хјустон Рокетс ја продолжуваат борбата за четвртата позиција во Западната конференција.

Битката за предност на домашен терен во плејофот на Западната конференција продолжува, па иако Денвер избега на 52 победи, тука се Лос Анџелес Лејкерс и Хјустон Рокетс.

Двата тима, победија изминатата ноќ, Лејкерс против Вориорс со 119:103, а Хјустон против Филаделфија со 113:102.

Лос Анџелес Лејкерс беа ослабени и играа без своите најдобри играчи Лука Дончиќ и Остин Ривс (двајцата повредени), додека Вориорс беа без Стеф Кари и Порзингис (а Џими Батлер ја заврши сезоната).

Доколку сезоната завршуваше денес, Рокетс и Лејкерс ќе играа во првото коло од плејофот, а тимот од Лос Анџелес ќе имаше предност на домашен терен.

Синоќа, Лејкерс ги победија Вориорс без поголеми проблеми, благодарение на одличната игра на Леброн Џејмс, кој постигна 26 поени, 8 скока и 11 асистенции.

Деандре Ајтон го следеше со 21 поен и 5 скока, додека Џејк Ларавија имаше 16 поени, 7 скока и 4 асистенции, Лук Кенард имаше 14 поени и 8 асистенции, а Ник Смит и Руи Хачимура постигнаа по 12 поени.

На другата страна, Подземски постигна 17 поени, како и Нејт Вилијамс со 4 скока и 3 асистенции, Чарлс Беси имаше дабл-дабл од 12 поени и 13 скока.

Во натпреварот помеѓу Хјустон и Филаделфија видовме убедлива победа на Рокетс со двоцифрена разлика. Сиксерс играа без Џоел Ембиид и Камерон Пејн.

Хјустон ги предводеше Кевин Дурант со 29 поени, 7 скока и 5 асистенции, по што следуваа Амен Томпсон со 19 поени, 5 скока и 4 асистенции и Џабари Смит со 19 поени и 5 скока.

На другата страна, Тајрис Макси како постигна 23 поени со 5 асистенции, Ви-Џеј Еџкомб имаше 21 поен, 6 скока и 8 асистенции, а Квентин Грајмс постигна 20 поени.

Резултати:

Торонто – Мајами 128:114
/Инграм 38 – Адебајо 24/

Вашингтон – Чикаго 108:119
/Рајли 23 – Џонс 31/

Бруклин – Индијана 94:123
/Лидел 26 – Топин 26/

Њујорк – Бостон 112:106
/Харт 26 – Тејтум 24/