Спорт
Дрејмонд: Би ги победиле Булс со Џордан, а Јута би ги добиле со 40 поени разлика
Дрејмонд Грин, кошаркарот на Голден Стејт Вориорс имаше неколку интересни коментари за Чикаго Булс и генерацијата која доминираше во НБА во средината на 90-тите години од минатиот век.
Дрејмонд Грин верува дека тимот на Голден Стејт Вориорс од 2017 лесно би ги победил Мајкл Џордан и Чикаго Булс од 1998 година.
Кога станува збор за тимот на Јута од таа година, Дрејмонд мисли дека победата би била многу убедлива.
„Го гледам финалето на НБА во 1998 година помеѓу Булс и Јута и не можам а да не забележам дека нашиот тим од 2017 година лесно би го победил Чикаго, а Јута Џез би ја победиле со најмалку 40 поени, доколку би играле ваква кошарка.Затоа е глупо да се споредуваат епохи“, напиша Грин.
Луѓето често ги споредуваат тие Голден Стејт Вориорс и Чикаго Булс, ги сметаат за најдобрите тимови што некогаш сме ги виделе.
Покрај Мајкл Џордан, тогаш за Булс играа Скоти Пипен, Денис Родман, Тони Кукоч, Стив Кер творецот на овие Вориорс. Во 2017 година Кер во тимот, покрај Грин, ги имаше Кевин Дурант, Стеф Кари, Клеј Томпсон и Андре Игудала.
I’m watching the 98 Bulls vs Utah in the Finals… I can’t help but notice our 2017 team would’ve beaten these Bulls by a dub and these Jazz by 40 if they’re going to play these brands of basketball. And that’s why it’s dumb to compare Era’s
— Draymond Green (@Money23Green) July 25, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.