Спорт
Дрим тимот поразен од Нигерија
Кошаркарската репрезентација на САД прв пат во својата историја доживеа пораз од африканска репрезентација. Во подготвителен натпревар за Олимписките игри, Нигерија го победи „Дрим тимот“ со 90:87.
Нигерја на овој натпревар постигна 20 тројки. Пред девет години во Лондон, на ОИ, САД ја победија Нигерија со разлика од 83 поени.
Нигерија од клупата ја предводи Мајк Браун, асистентот на Стив Кер во Голден стејт Вориорс. Браун во тимот има осум играчи со НБА искуство.
Најефикасен кај Нигерија бепе Гејб Винсент со 21 поен (шест тројки), Кејлеб Агада постигна 17 поени. Овој играч во летната лига че игра за Денвер Нагетс.
„Ова беше пријателски меч, не значи многу, но секако победата е добра за нас“, рекол Браун.
САД ги предводеше Кевин Дурент со 17 поени, но со лоша реализација, погоди само четири од 17 обиди од поле, Џејсон Тејтум уфрли 15, а Демија Лилард 14 поени.
„На некој начин драго ми е што се случи ова. Сепак ништо нема да значи доколку не научиме нешто од овој пораз. Ова треба да биде важно за нас“, рекол американскиот селектор Грег Поповиќ.
„Нигерија на Олимписките игри ќе се натпреварува со Австралија, Италија и Германија, додека САД се во група со Франција, Иран и Чешка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…