За многумина изненадување, ама по 18 кола во германската Бундеслига Лајпциг е на врвот на табелата и тоа со 5 бода зад второпласираната Борусија Менхенгладбах, а 7 зад двоецот Баерн-Борусија Дортмунд. Сепак, Баварците својот меч од ова коло ќе го одограат утре, против Херта во Берлин.

Предмалку Лајпциг славеше со 3-1 против Унион Берлин.

Работите не тргнаа најдобро за „биковите“ на денешниот меч. Гостите, рано, уште во 10 минута дојдоа до водстов со 0-1 со голот на Бутлер.

Лајпциг направи комплетен резултатски пресврт во вториот дел.

Најпрво во 51 минута Вернер донесе израмнување, а 8 минути подоцна Сабитцер погоди за водство од 2-1. Конечните 3-1 за големо славје на трибините беа дело на Вернер (него втор гол) во 83 минута од мечот.

Лајпциг по 18 кола има 12 победи или вкупно 40 бода.

Големи се шансите шпанската ракометна репрезентација да биде еден од полуфиналистите на Европското првенство што се одржува во Австрија, Шведска и Норвешка.

Актуелниот европски шампион предмалку со 30-26 славеше победа против ко-домаќинот на првенството, Австрија и широко ги подотвори вратите кон полуфиналето.

Без премногу одбрани на голманите, двете селекции во првиот дел играа отворен ракомет, најчесто израмнето, па „фуријата“ отиде на пауза со +1, 17-16.

Во вториот дел Шпанија е таа која постојано водеше, а Австријците ги држеа противниците на дистанца од 1 до 2 гола.
Така беше се до 23-19 кога Шпанија отиде на +4, па следуваше и предност од 25-20, но и 29-26 (+6) што јасно стави до знаење дека фаворитот ќе забележи нова победа.

Момците предводени од Жорди Рибера рутинирано го приведоа мечот за конечни 30:26.

Шпанија го задржа 100-процентниот учинок на шампионатот, а Австрија го доживеа и вториот пораз во главната фаза со што ги загуби и теоретските шанси за пласман на првите две позиции.

Најпрецизен во победничката селекција беше екс-Вардарецот Хорхе Македа со 6 гола, а по четири погодоци постигнаа Ентрериос, Фигуреас и Арињо.

Кај Австрија Јанко Божовиќ прецизно стрелаше петпати.

.@RFEBalonmano 🇪🇸 celebrate a hard-won victory that means they're still on the road to Stockholm.#ehfeuro2020 #dreamwinremember pic.twitter.com/XZZVmvsbYp

— EHF EURO (@EHFEURO) January 18, 2020

Македонскиот фудбалски интернационалец Адис Јаховиќ продолжува да ги тресе мрежите во турската прва лига. Тој го постигна единствениот гол за Малатијаспор на гостувањето во Истанбул кај Башахшехир (4-1).

Фаворитот стигна до планираната победа и тоа на убедлив начин, на Јаховиќ само го ублажи поразот на својот тим. Тој во 64 минута, со одмерен лоб удар ја смести топката зад грбот на противничкиот голман.

Нашиот фудбалер денеска го постигна 11-тиот гол во првенството со што изби на четвртото место на табелата.

Пред него се Сорлот од Трабзон со 12 гола и Сисе од Аланијаспор со 13 гола.