Спорт
ЕЦА ќе предложи нов систем за Лигата на шампионите и Лига Европа
Во пресрет на утрешната ждрепка со која ќе бидат одредени групите во Лигата на шампионите, Асоцијацијата на европските клубови (ЕЦА) предлага промена на форматот на ова натпреварување од 2024 година.
ЕЦА нуди формат кој на клубовите ќе им донесе повеќе пари и повеќе натпревари. Клубовите би морале да одиграат 21 натпревар за да ја освоијат титулата.
Предложениот систем изгледа вака. Во првата фаза би се натпреварувале 32 екипи поделени во четири групи. Четирите најдобри од секоја група би се пласирале во Топ 16, тимовите кои би завршиле на петтото место би имале обезбеден пласман во Лигата на шампионите во следната сезона, додека плејоф за опстанок во Лигата на шампионите би играле тимовите што ќе завршат на шестото и седмото место во групите.
Последно пласираните би продолжиле во нокаут рундата во Лига Европа.
Ваквиот систем би донел дополнителни приходи од телевизиските права, но исто така играчите би биле изложени на дополнителни напори.
Промени се предложени и за Лига Европа. И таму би се натпреварувале 32 тима, поделени во четири групи, но пласмна во Топ 16 би избориле само победниците на групите, а таму би им се придружиле и што ќе испаднат од Лигата на шампионите.
Тимовите што ќе завршат на позициите два и три во фазата по групи во Лига Европа би разигрувале за пополнување на Топ 16 фазата.
Интересен е предлогот четврт-финалистите во Лига Европа да имаат обезбедено место во наредното издание, додека полу-финалистите би добиле место во Лигата на шампионите.
Предлогот за реорганизација на Лигата на шампионите ЕЦА ќе го презентира на состанокот што треба да се одржи наредниот месец. Интересно поголем број од големите клубови се против овој предлог.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – Бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.