Младиот возач на Прамак Дукати, Хорхе Мартин по импресивниот старт на сезоната во Мото ГП имаше голем пех во Португалија. Ја повреди десната рака и десната нога, па ќе мора да оди на операција во Барселона, по вчерашниот пад на седмиот свиок на патеката „Портимао“. Се работи за повтеда на коска на дланката и на десната нога, над скочниот зглоб.

„Не ми е ова најдобриот ден верувајте ми! Многу боли, но јас сум `Мартинатор`. Ќе се видиме наскоро“ порача Мартин на Твитер.

Not my best day, you can trust me! A lot of pain but I am Martinator. SEE U SOON @motogp pic.twitter.com/rWAIouJ5Tp

— JorgeMartínAlmoguera (@88jorgemartin) April 17, 2021

Тој е дебитант во Мото ГП шампионатот, а на првите две трки беше одличен. Во Доха заврши како трет.

Хорхе Мартин е екс-светски шампион во Мото 3 со Хонда, а минатата сезона беше петтопласиран во Мото 2 возејќи Калекс.

Тежок пад на Хорхе Мартин

Претседателот на Барселона, Жоан Лапорта беше воодушевен по синоќешниот триумф на својот клуб против Атлетик Билбао и освојувањето на Копа дел Реј. Барса по две години освојува трофеј иако некогаш тоа беше нормална работа за клубот од Каталонија.

Во изјава по мечот Лапорта рече дека е уверен дека Лео Меси ќе остане на „Ноу Камп“ до крајот на кариерата.

„Лео е најдобриот светски фудбалер! Многу е важен за клубот. Убеден сум дека сака да остане, ќе направиме се што е во наша моќ така и да биде. Во овој меч видовме дека е опкружен со одлични играчи. Тимот играше многу добро, среќен сум поради нив. Се надевам дека ова е само првиот од многуте трофеи што ќе ги освоиме“ рече претседателот на Барселона.

Инаку, Меси кој синоќа постигна 2 гола и имаше асистенција стана првиот играч кој за 119 години во Купот на Кралот тресел мрежи во седум различни финалиња од ова натпреварување.

Во Србија продолжуваат шпекулациите за можното враќање на екс-селекторот на кошаркарската селекција, Александар Ѓорѓевиќ во саканиот клуб, но овојпат како тренер.

Дел од српските медиуми пишуваат дека по неуспехот на италијански Витрус во походот кон Евролигата, би можело Ѓорѓевиќ да седне на клупата на Партизан во следната сезона. Оваа вест предизвика воодушевување кај популарните „Гробари“, но и меѓу легендите на „црно-белите“ од Белград.

Еден од нив е и Жарко Паспаљ кој смета дека екс-селекторот е одлично решение за клубот.

„Виртус и понатаму има шанса да обезбеди пласман во Евролигата, доколку добие лиценца, тоа не е исклучено. Жал ми е за Сале, но би сакал да го видам на клупата на нашиот клуб, затоа што тоа е желба на секој партизановец. Сепак, некои работи ќе мора да се менуваат. За неуспесите на клубот сега не смееме да обвинуваме само поединци, туку секој кој извршува било каква функција во клубот, мора да сноси одговорност“ вели Паспаљ.

Партизан сезонава промени тројца тренери, а како решение до крајот на сезоната е поставен Александар Матовиќ.