Фановите на Милан преку социјалните мрежи побараа Симон Кјер да биде промовиран во капитен на „росонерите“, а според „Ла газета дело спорт“, таа идеја е добро прифатена и од клубот.

Хештегот #KjaerCapitano стана популарен на Твитер, откако Кјер, како капитен на данската репрезентација беше клучен човек во спасувањето на неговиот соиграч Кристијан Ериксен во страшните сцени од Копенхаген во саботата. Бекот веднаш реагираше да му помогне на Ериксен кој колабираше, а потоа беше човекот кој ја тешеше девојката на Ериксен и ги организираше соиграчите да го заштитат соиграчот.

Според „Ла газета дело спорт“, тренерот Стефано Пиоли ќе разговара со клубот во иницијативата и можно е Данецот, кој пристигна од Севилја во јануари 2020 да ја добие капитенската лента, иако Алесио Ромањоли е капитен од 2018, но под Пиоли не беше стартер.

Џиџио Донарума веќе не е во клубот, а Златан Ибрахимовиќ не е сигурен на секој натпревар.

Марко Арнаутовиќ, по мечот со Македонија на Европското првенство, поради расправијата со Езгијан Алиоски, е цел на напади на социјалните мрежи.

Австриецот, со српски корени, постигна гол во 89.минута и го постави конечниот резултат 3:1. Откако го постигна голот тој започна да го навредува Алиоски.

На социјааните мрежи го обвинија Арнаутовиќ дека е расист.

„Имаше вербална расправија од двете страни“, рекол Арнаутовиќ на денешната прес конференција, на која не било планирано тој да им се обрати на новинарите.

Тој решил да дојде на пресот за да објасни дека она што се случило немало врска со политиката или расизмот.

„Имам пријатели насекаде низ светот“, рекол Арнаутовиќ.

Сепак признал дека прославата на голот не била примерна.

„Се радував и секако дека паднаа некои зборови кои ме заболеа. Тоа беше емоционална расправија. Можам да им кажам дека ми е жал на сите оние кои почувствуваа дека се навредени. Сакам да го заборавиме тоа што се счучи, на такви работи не им е местото во фудбалот“.

Два дена по натпреварот Данска – Финска на Евро 2020, кој донесе вистинска драма на стадионот „Паркен“, Данците открија дека биле соочени со ултиматум од УЕФА поради што решиле да го продолжат натпреварот.

За потсетување, на овој натпревар во 43. минута колабира Кристијан Ериксен. Лекарите по десет минути реанимација успеаја да му го спасат животот на најдобриот дански фудбалер.

„Имавме две можности и ниту една не беше добра. Ја избравме онаа што беше помалку лоша. Многу играчи не можеа да го продолжат натпреварот. Мислите им беа на некое друго место. Во една таква ситуација требаше да имаме и трета опција“, рекол Мартин Брејтвајт откривајќи дека од УЕФА им понудиле да го продолжат натпреварот или да играат наредниот ден од 12 часот.

Постоела и закана од УЕФА дека доколку не го одиграат натпреварот, тој ќе биде регистриран со службени 3:0 за Финска.

„Се случи нешто ужасно и УЕФА на играчите им дава можност да изберат – да играат веднаш или да се вратат в недела напладне. Како е можно тоа“, рекол голманот Каспер Шмајхел.

Инаку, пред да продолжи натпреварот, во саботата, УЕФА објави дека во договор со играчите на двете репрезентации била донесена одлуката тој да продолжи.