Спорт
Ефес по 10 години повторно е турски шампион!
Анадолу Ефес ја освои рекордната 14 титула во турскиот шампионат, откако во одлучувачкиот седми меч во својата „Синан Ердем“ арена во Истанбул со 89:74 (21:23, 23:14, 25:21, 20:16) го совлада истанбулскиот ривал Фенербахче.
Ова е прв трофеј за клубот порано познат како Ефес Пилсен од сезоната 2008/09, откако Ефес доминираше во текот на 1990-тите, кога кај нив играше и македонската кошаркарска легенда Петар Наумоски. За Фенербахче пак, кои тренерот Жељко Обрадовиќ ги трансформираше во сериозен тим, ова е прв пораз во борбата за титулата по три последователни круни.
Човек на одлука во „мајсторката“ беше Шејн Ларкин, кој имаше 38 поени (11-од-18 од поле), 3 скока и 4 асистенции, додека Василије Мициќ додаде 20 поени. За Фенер, Костас Слукас имаше 21 поен, а Никола Калиниќ 19 поени.
#BSL | Şampiyon Anadolu Efes, madalyasını almak için platforma çıkıyor! #TBHerYerde pic.twitter.com/mNKKR58MU0
— TrendBasket (@TrendBasket) June 21, 2019
Фенербахче водеше со 23:21 по 10 минути, но Ефес на полувреме направи предност од 44:37, пред во второто полувреме да доминираат и да имаат предност од 21 поен (83:62), за да не дозволат кам-бек на Фенербахче.
Лутото ривалство меѓу двата клуба доби и поинакви димензии, откако навивачите на Фенербахче посебно се „навртеа“ на тренерот на Анадолу, Ергин Атаман, кој беше мета на многу навреди. Од друга страна, Фенер ги обвинија Ефес дека не обезбедиле амбулантно возило за Луиџи Датоме, кој доби губиток на сеќавањето во петтиот меч. Турската кошаркарска федерација ги казни Фенер со два меча на гости без публика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Родри една година не доживеал пораз
Фудбалерот на Манчестер сити и шпанската репрезентација, Родри (27) зад себе има неверојатно достигнување. Еден од главните адути на Пеп Гвардиола нема загубено натпревар за клубот или репрезентација веќе една година.
Последниот пораз Родри го имаше во дресот на Шпанија од Шкотска во квалификациите за Европското првенство на 28 март минатата година.
Оттогаш Манчестер сити и Шпанија се непоразени во натпреварите во кои играше Родри. Шпанија неодамна загуби од Колумбија во пријателски натпревар, но со одлука на селекторот Луис де ла Фуенте Родри не играше на тој натпревар. Тој играше на следниот натпревар и со два гола беше најдобар играч во ремито (3:3) со Бразил.
Во овој период без пораз, Родри со Сити ги освои Лигата на шампионите, Премиер лигата, ФА Купот, Суперкупот на Европа и Светското клупско првенство. Некои истакнуваат дека го загубил „Комјунити Шилд“ од Арсенал, на почетокот на сезоната, но тој натпревар официјално заврши без победник по 120 минути, подоцна Арсенал славеше по изведувањето пенали.
Спорт
Меси: Ќе се пензионирам кога ќе престанам да уживам во играта
Лионел Меси пред шест месеци ја започна својата авантура во Америка. Аргентинецот откри дека во моментов не размислува за пензија.
Меси одлично ја започна сезоната во МЛС лигата, во првите три натпревари постигна три гола и забележа една асистенција. Сегашната форма покажува дека Меси се уште не е за пензија и дека му претстојат уште неколку години добар фудбал, што и самиот го потврди.
„Мојата возраст нема да биде важна за одлуката да се пензионирам. Ако продолжам да се чувствувам добро на теренот, ќе продолжам да играм“, изјави Меси.
Во Интер од Мајами, Меси е опкружен со пријатели, соиграчи со кои ја делеше соблекувалната во Барселона. Дел од Интер Мајами се и Серхио Бускетс, Луис Суарез и Џорди Алба. Аргентинецот нема да се пензионира се додека неговиот тим имма корист од него.
„Ќе престанам да играм фудбал во моментот кога веќе нема да можам да играм на ова ниво, кога нема да уживам во играта или кога нема да можам да им помогнам на соиграчите на теренот“, изјави аргентинскиот фудбалер.
Покрај за Интер Мајами, Меси во својата кариера настапуваше и за Барселона и ПСЖ.
Спорт
“Робињо и Алвеш? Некој да и го направеше тоа на мојата ќерка, сега немаше да дадвам интервју”
Робињо (40) и Дани Алвеш (40), некогаш фудбалски ѕвезди, сега се осудени силувачи.
Робињо кого на почетокот на кариерата, Бразилците го прогласија за наследник на Пеле, играше за Сантос, Реал, Манчестер сити, Милан. За бразилската репрезентација одигра 100 натпревари. Тој мора да отслужи деветгодишна затворска казна за брутално групно силување на 22-годишна девојка.
Исто така, Дани Алвеш (40), еден од најтрофејните фудбалери во историјата, пред два месеци беше правосилно осуден на 4,5 години затвор за силување девојка во ноќен клуб во Барселона во декември 2022 година. Но, пред два дена беше ослободен откако во затвор помина 14 месеци. За да излезе на слобода тој плати кауција од 1.000.000 евра.
Фелипе Мело, поранешен репрезентативец на Бразил, кој ја делеше соблекувалната со двајцата играчи, го коментираше тој случај за бразилскиот „Глобо Еспорте“.
„Никој нема право да зборува на оваа тема, но не гледам проблем сега да дадам свој коментир. Имам 15-годишна ќерка. Нејзе да и се случеше ова, јас немаше сега да бидам овде и да го давам ова интервју. Човечко суштество треба да се почитува, било да е машко или женско“, рече Мело.