Спорт
Егон Бернал, прв Колумбиец и најмлад победник на Тур д’Франс
Еган Бернал испиша историја на најпрестижната велосипедска трка во светот Тур д’Франс. Тој ќе стане првиот Колумбиец што успеал да ја освои трката.
Бернал профитираше од лошитре временски услови и одлуката на организаторите да ги скратат последните две етапи. Во претпоследната етапа која беше долга само 59 километри (инаку оваа етапа е долга 130 километри) го освои четвртото место и ја задржа жолтата маичка.
Во саботата, во последната етапа на Алпите победи Италијанецот Винченцо Нибали, инаку победник на трката во 2014 година.
Утре ќе се вози уште една етапа, но таа според традицијата има ревијален карактер и служи само за да се прогласи победникот на Елисејските полиња.
Бернал на тронот ќе го наследи Герант Томас и со 22 години ќе стане најмладиот шампион во 110 годишната историја на Тур д’Франс.
Токму Томас прв му честиташе на Колумбиецот и симболично му ја предаде титулата бидејќи двајцата заедно минаа низ целта. Томас во вкупниот пласман заврши веднаш зад Бернал.
A big pat on the back for @Eganbernal, you've earned it! ?
Un grand bravo à Egan Bernal, le sacre d'un champion ! ?#TDF2019 pic.twitter.com/ujinAbG3TM
— Tour de France™ (@LeTour) July 27, 2019
Најголем губитник на 110 издание на трката е домашниот фаворит Жулијен Алафилип кој вчера кога организаторите поради невремето ја скратија етапата ја загуби предноста и жолтата маичка. На крајот тој во генералниот пласман заврши на петтото место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.