Нејмар стави крај на сите шпекулации околу неговата иднина и потенцијалното враќање во Барселона, откако го продолжи договорот со Пари Сен-Жермен до 2026 година, објавува францускиот спортски весник „Л’Екип“.

Според весникот, Нејмар утре ќе го официјализира договорот, со кој ќе остане на „Паркот на принцовите“ вкупно 9 години, откако во 2017 година, богатиот клуб ја плати клаузулата од 222 милиони евра за да го откупи од Барселона, поставувајќи светски рекорд кој уште не е срушен, а со оглед на кризата во која се наоѓаат најголемите европски клубови, тешко дека ќе биде достигната.

Бидејќи има 29 години, со овој договор, тој би останал во ПСЖ речиси до крајот на неговата кариера.

Neymar prolonge ce samedi son contrat avec le PSG jusqu’en 2026

Arrivée en 2017 à Paris, la star brésilienne prolongera ce samedi son contrat de quatre ans. Neymar sera lié au PSG jusqu’en 2026 : https://t.co/Aeg71RJEyB pic.twitter.com/yKN64PO8OC

— L’ÉQUIPE (@lequipe) May 7, 2021

Њукасл успеа да стигне до фасцинантна 2:4 победа на гости кај Лестер, продолжувајќи ја неочекувано добрата форма во финишот на Премиер лигата, и во исто време не дозволувајќи „лисиците“ да осигураат место во Лигата на шампионите.

Џо Вилок во 22. минута го донесе тимот на Стив Брус во водство, за Пол Дамет во 35. минута да го зголеми водството на 0:2. Калам Вилсон во 65. минута го потврди триумфот на Њукасл, за во 74. минута да зголеми на 0:4. Олбрајтон во 80. минута и Ихеаначо седум минути подоцна ја одбрани честа на домаќините.

Лестер со само три меча до крајот на нивната сезона, остануваат трети со 63 поени, само два зад Челси на четвртото место и пет пред петтопласираниот Вест хем. Њукасл, по стравувањата дека тимот ќе испадне од лига, сега се на 13. место со 39 поени.

Лил стигна до важна 3:0 победа на гости кај Ленс, за да остане на врвот на табелата во француската Лига 1, на само два меча до крајот на сезоната, што значи дека со уште две победи ќе ги спречат Пари Сен-Жермен да стигнат до нова француска круна.

Бурак Јилмаз ги донесе Лил во водство уште во четвртата минута со гол од пенал, а работата на гостите стана полесна кога Клемен Мишлен во 35. минута го доби вториот жолт картон. Јилмаз во 40. минута зголеми на 0:2, пред во 60. минута, Џонатан Дејвид да ги осигура трите поени на Лил.

Со победата, Лил има 79 поени по 36 одиграни меча, четири поени пред ПСЖ (со 35 меча) и осум пред Монако (исто така со 35 меча). Ленс се шести со 56 поени.