Спорт
Елмас и Наполи на стартот против Ливерпул, ПСЖ го чека Јуве, Баерн му гостува на Интер
Познат е комплетниот распоред за групната фаза од Лигата на шампионите за сезоната 2022/23.
Првите натпревари се играат на 6. септември. Првото коло ќе го обележат три супер интересни натпревари, Пари Сен Жермен ќе го пречека Јувентус. Во исто време во Милано силите ќе ги одмерат Интер и Баерн, а Ливерпул ќе гостува во Неапол.
Наполи две сезони нема пораз во групната фаза од Лигата на шампионите на домашен терен.
Во второто коло, на 13.септември, во центарот на вниманиеот ќе биде Роберт Левандовски. Полјакот со Барселона ќе гостува во Минхен кај својот довчерашен тим Баерн.
Ден подоцна Ерлинг Холанд ќе игра со својот Манчестер сити против „својата“ Борусија Дортмунд.
Третото и четвртото коло ќе ни донесат два дуели меѓу Милан и Челси, односно Интер и Барселона.
Што се однесува до единствениот претставник на „регионот“ во Лигата на шампионите, Динамо Загреб, чии дрес го носат Стефан Ристовски и Аријан Адеми, „модрите“, ќе стартуваат на домашен терен – на 6. септември ќе им гостува Челзи.
Осум дена подоцна, во второто коло Динамо гостува кај Милан, а потоа на 5. октомври Динамо патува во Салцбург. Австријците на 11. октомври ќе гостуваат во Загреб, Милан на 25. октомври доаѓа на „Максимир“, а во последното коло избраниците на Анто Чачиќ го играат во Лондон на „Стемфорд Бриџ“ против Челзи на 2 ноември.
Годинава поради зимското Светско првенство групната фаза од Лигата на шампионите ќе биде комплетирана на 1. и 2. ноември. Значи – шест рунди за помалку од два месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.