Спорт
Елмас со супер-гол спаси поен за Фенер во лутото дерби со Галата (видео)
Македонскиот репрезентативец Елиф Елмас го постигна својот втор гол за Фенербахче за да „спаси“ поен во дербито со Галатасарај откако неговиот тим остана со играч помалку.
Во дуелот на двата најтрофејни турски клуба, целите беа различни – Галатасарај се обидуваше да го искористи поразот на лидерот Башакшехир од Бешикташ и со победа да се доближи на два поени од нив, додека Фенербахче по катастрофалната сезона се бори да не испадне од турската елита првпат во историјата.
На „Шукру Сарачоглу“ беше жешко од стартот, откако во првото полувреме фудбалерите на Фенербахче добија четири жолти картони, а Хасан Али Калдирим во 45. минута беше пратен во соблекувалните со директен црвен картон.
Галата ја искористи предноста и во 66. минута дојде до водство преку Нигериецот Хенри Оњекуру, но само пет минути подоцна, Елмас кој доби шанса да биде стартер на мечот, доби добра топка од Дирар во шестанесетникот и ефектно го совлада Муслера. Судијата Палабијик, сепак, реши да го провери ова преку ВАР-системот поради наводен претходен фаул, но на крајот покажа кон центарот.
Со ремито се продолжи традицијата на лоши настапи на „лавовите“ во Интерконтиненталното дерби, бидејќи Галата сега нема победа на гости кај Фенер во последните 23 меча.
Fenerbahçe 1-1 Galatasaray
71′ Eljif Elmas pic.twitter.com/OstYZpJaFr— Golaloo (@golalooo) April 14, 2019
— Golaloo (@golalooo) April 14, 2019
Fenerbahçe 0-1 Galatasaray
66′ Onyekuru pic.twitter.com/22UPrAnN6l— Golaloo (@golalooo) April 14, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.