Вимблдон, тенискиот турнир кој постојано се гордееше со своите долгогодишни традиции, од оваа сезона се откажува од уште една, откако реши да ги отстрани титулите „Miss“ и „Mrs“ од ѕидот на честа, каде што се запишани имињата на женските шампиони на грен слемот.

Ол Ингланд клубот, за разлика од организаторите на другите гренд слем турнири, досега ги користеа овие титули пред имињата на шампионките, но не и на шампионите – лани Ешли Барти беше запишана како „Miss A Barty“, додека Новак Ѓоковиќ само како „N Djokovic“.

Вимблдон реши да го модернизира и ѕидот на шампиони, откако во 2019 година најавувачите престанаа да ги именуваат тенисерките со „Мис“ или „Мисис“. Самиот Ѓоковиќ во 2019 беше изненаден.

„Сметав дека тоа е уникатна традиција и нешто навистина посебно. Изненадувачки што на Вимблдон се решија за таква промена по толку години“, изјави во 2019 Ѓоковиќ.

Финецот Кале Рованпера стигна до својата четврта победа оваа сезона, триумфирајќи на Кениското Сафари рели за да го зголеми водството во генерален пласман во Рели ВРЦ шамшпионатот.

Ова е четврт пласман на подиумот во последните шест трки за 21-годишниот Рованпера, и до неа дојде иако тој во петокот ја преврте својата Тојота на супер-специјалната етапа во близината на Најроби. Тојота доминираше на релито, откако Британецот Елфин Еванс заврши на второто место со 52.8 секунди заостанување, а Јапонецот Такамото Кацута беше трет со 1:42.7 послабо време.

„Фантастично е да се победи на Сафари. Ова беше можеби најтешкото рели во кое сум учествувал, и благодарност до нашиот тим кој беше совршен“, изјави Рованпера.

Минатогодишниот победник, шампионот Себастиен Ожие беше четврт со повеќе од две минути заостанување. Ова е првпат Тојота да стигне до 1-2-3 победа од таа на сонародникот на Рованпера, Јуха Канкунен во 1993 година. Рованпера исто така успеа да биде подобар од неговиот татко Хари, кој беше втор на релито во 2002 година зад Колин Мекри.

Рели ВРЦ шампионатот продолжува со Естонското рели од 14 јули.

Иако претходно се тврдеше дека одбивал било каква шанса да си замине од Париз, најскапиот фудбалер во историјата, Нејмар сега е отворен за идејата за трансфер од Пари Сен-Жермен, чувствувајќи се „предаден“ од сопственикот Наасер Ал-Хелаифи.

30-годишниот Бразилец пристигна во Париз во 2017 година за рекордни 222 милиони евра и има годишна плата од речиси 30 милиони евра, но и со него ПСЖ не успеаја да стигнат до главната цел, трофејот од Лигата на шампионите. Неодамна, Ал-Хелаифи не ја отфрли можноста Нејмар да замине од тимот.

„Дали е можно заминување на Нејмар ова лето? Можам само да ви кажам дека очекуваме сите фудбалери да направат многу повеќе од минатата сезона. Многу, многу повеќе“, изјави Ал-Хелаифи за „Ле паризиен“.

Нејмар, наводно, се пронашол во овие коментари на претседателот на клубот, со што се зголемиле шансите за негово заминување. Сепак, тоа нема да биде лесно да се оствари поради неговата висока плата и поради тоа што има уште три години од договорот со ПСЖ.

Според шпанскиот „АС“, Нејмар веќе бил понуден на Јувентус, но од италијанскиот клуб му било порачано дека тие не можат да му понудат иста плата како ПСЖ. Францускиот „РМЦ Спорт“, пак тврди дека Манчестер јунајтед би можеле да бидат опција, со што би се придвижил „домини-ефект“ – „ѓаволите“ би дозволиле Кристијано Роналдо да замине во Рома.

A possible Neymar departure from PSG faces major financial obstacles, due to the transfer fee and 'imposing' wage demands. (RMC)https://t.co/WfLZk9Lmu3

— Get French Football News (@GFFN) June 26, 2022

🔴🔵 Les récents propos de Nasser Al-Khelaïfi à son sujet n'ont pas plu à Neymar et la réflexion autour d’un départ est ouverte. Aussi bien du côté du Brésilien que du PSG.https://t.co/JiGAfQ7wwv

— RMC Sport (@RMCsport) June 26, 2022