Спорт
Ентрериос: Одиме на победа против Хрватска, но во полуфинале сите се опасни!
Европскиот ракометен шампион, Шпанија ќе настојува да ја победи Хрватска во последниот меч од групата 1 на Европското ракометно првенство без оглед на противникот во полуфиналето. Капитенот на „фуријата“, Раул Ентрериос најави победа против „коцкастите“.
„Ние ќе настојуваме да ја победиме Хрватска, а тогаш ќе видиме што ќе биде. Во полуфинале секоја селекција може да е опасна, кој и да е противникот, не можеш да си мирен. Ние ќе одиме чекор по чекор, тоа е филозофијата која не однесе до тука. Нашата најсилна страна е што играме како екипа, а тоа е нешто што треба да го има секој колектив. Важно е секој играч да придонесе за да се оствари целта на екипата“ вели 38-годишниот Ентрериос за шпанската телевизија „Teledeporte“.
Непоразените на ЕП – Хрватска и Шпанија утре ќе ги одмерат силите во мечот кој одлучува за првото место во групата, но и надеж за полесен противник во полуфинале, поточно избегнување на првиот фаворит, Норвешка. Шпанија ја брани титулата освоена пред 2 години. Ова за „фуријата“ ќе биде петто полуфинале.
„Ќе биде тешко да се повтори тоа. Оваа група играчи работи многу добро, сега сме многу задоволни што ја остваривме целта. Секогаш одиме ден по ден. Сега чувствуваме дека сме ја исполниле задачата“ – смета Ентрериос.
Бекот кој долги години е дел од Барселона на крајот на сезоната најверојатно ќе се прости од ракометот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.