Прославениот француски фудбалски напаѓач, Џибрил Сисе по двегодишна пауза од фудбалот, одлучи да ја прекине пензијата и да се активира на фудбалскиот терен.

Екс-голгетерот на Ливерпул кариерата ја заврши во 2019 година, а последниот ангажман му беше во швајцарскиот Ивердон-спорт, каде играше една сезона.

Негов нов ангажман по паузата е Панатинаикос, но не познатиот клуб од Атина, туку од Чикаго, клуб кој се натпреварува во четврта лига во САД.

„Зелените“ од Чикаго се основани во 2019 година од страна на татко и син кои се големи навивачи на грчкиот клуб каде своевремено настапуваше Џибрил Сисе.

За потсетување, францускиот интернационалец ги бранеше боите на 12 екипи.

Почна во Оксер, играше во Ливерпул, па Олимпик Марсеј, настапуваше и за Сандерленд по што кариерата ја продолжи во Панатинаикос каде на 61 меч постигна 47 погодоци.

За селекцијата на Франција настапуваше од 2002 до 2011 година, на 41 меч постигна 9 гола за „петлите“.

Актуелниот фудбалер на премиерлигашот Брајтон – Адам Лалана раскажа како се чувствувал во текот на финалниот меч од Лигата на шампионите што неговиот поранешен клуб Ливерпул го играше во 2018 година во Киев, против Реал Мадрид.

Лалана за „Марка“ раскажа дека откако влегол во игра, по повредата на Салах од страна на Рамос, никако не успевал да го пронајде своето место на теренот, едноставно не бил подготвен да игра.

„Ми беше многу страв, имав ужасна година поради повредата, само што се опоравив, имав одиграно само 15-тина минути во ПЛ, не бев во форма. Никому не можев да му пријдам, да се доближам, посебно не на Лука Модриќ. Само трчав по теренот. Се чувствував како зајак кон кој се вперени сите рефлектори. Ако сте играле фудбал знаете дека ништо не е полошо кога ќе ве стават во игра по 20 или 25 минути од почетокот на мечот. Доцнев во сите дуели, се задушив на теренот. Не стигнав да бидам возбуден дека играм финале на ЛШ, само внимавав да не бидам виновен за некој гол“ рече Лалана.

Наполи ќе прифати понуда за Елиф Елмас, не помала од 25 милиони евра, тврди локалниот новинар Емануеле Камарото. Наполи се наоѓа во финансиска криза, поради што мора да продаде неколку фудбалери во летниот преоден рок. Покрај Елмс, претседателот Аурелио Де Лаурентс би подготвен да ги разгледа понудите за калиду Кулибали и Фабијан Руиз.

Борусија Дортмунд, Лидс јунајтед, Бенфика и Борусија Мехнехгладбах, во зимскиот преоден рок покажаа интерес за Елмас, но тогаш клубот не сакаше да разговара за неговиот трансфер, а и фудбалерот истакна дека ако замине од Наполи тоа ќе го направи по завршувањето на сезоната.

Италијанските медиуми сега тврдат, дека Борудија Дортмунд и Бенфика се уште се заинтересирани за Елмас.

Македонскиот репрезентативец, во Наполи пристигна во 2019 година од Фенербахче за сума од 16 милиони евра.