Спорт
Еурофарм Пелистер во дербито го победи Вардар 1961
Еурофарм Пелистер се издови на лидерската позиција на табелата, откако во „Јане Сандански“ во Скопје го победи Вардар 1961 со 24:23 (12:11).
Ракометното дерби го реши одбраната на Пелистер и голманот Кизиќ. Младиот голман на битолскиот тим бранеше само во второто полувреме, забележа осум одбрани, меѓу кои клучната беше онаа против Додиќ на 10 секунди, со што спречи Вардар да освои еден бод.
Играчите на Пелистер ја заслужија победата во Скопје, бидејќи беа константни во текот на целиот натпревар. Имаа предност, минимална во текот на целото првото полувреме. Во второто во првите 15 минути одржуваа предност од еден до два гола, а на три разлика се одлепија во 45.минута (19:16).
Победата Пелистерци ја најавија во 54.минута кога прв пат стекнаа предност од четири гола (23:19). Исклучувањето на Табоада му даде крилја на Вардар, за нецели 90 секунди постигнаа 3:0 но играчите на Давид Дејвис немаа сили за целосен пресврт.
Кизиќ го предводеше Пелистер со осум одбрани, Табоада постигна шест, а Мандалиниќ пет гола. Кај Вардар 1961 најефикасни беа Дибиров со шест и Моралес со пет гола, голманот Томовски имаше седум одбрани.
Фото/facebook.com/hceurofarmpelister
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.