Спорт
Евра се „смири“ со Ливерпул откако доби извинување по девет години
Поранешниот дефанзивец на Манчестер јунајтед, Патрис Евра признава дека неодамна добил писмо од ривалите од Ливерпул во кое извршниот директор на клубот, Питер Мур му се извинува за скандалот со расизмот на Луис Суарез од пред девет години.
Евра беше жртва на расистички коментари од Уругваецот при меч на „Енфилд“ во октомври 2011, по што Суарез доби суспензија од осум меча и казна од 40.000 фунти, но Ливерпул постојано тврдеа дека тој е невин и го поддржуваа со тренинг со маички на кои беше ликот на Суарез. Џејми Карагер, еден од тогашните фудбалери на Ливерпул неодамна му се извини лично на Евра додека двајцата беа ТВ-коментатори на „Скај“, а Евра сега открива дека добил и писмо од Ливерпул.
„Многу сум задоволен, што прво Џејми Карагер ми се извини, а потоа добив писмо од Питер Мур, кое навистина беше убаво. Тој пишува дека се надева дека никогаш не е предоцна бидејќи тоа се случи пред девет години подоцна. Бев разочаран што толку голем клуб како Ливерпул го поддржува тоа, но сега гледам дека се работи за виситнски луѓе, искрени луѓе, кои работат за клубот и имам голема почит кон нив. И покрај тоа што секогаш ќе навивам за Манчестер јунајтед, ова покажува дека Ливерпул е клуб од светска класа“, изјави Евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.