Спорт
Евролига: ЦСКА се врати на европскиот трон
ЦСКА Москва по пауза од три години е шампион од Евролигата, откако во финалето во Виторија, Шпанија со 91:83 (29:20, 15:22, 24:20, 23:21) победа не дозволи турскиот Анадолу Ефес да дојде до првата титула од елитното европско натпреварување.
„Армејците“ сега имаат осум европски титули (1961, 1963, 1969, 1971, 2006, 2008, 2016), со што се вториот најуспешен европски клуб по Реал Мадрид, кои имаат 10 титули, но оваа година се задоволија само со третото место по победата над Фенербахче денеска. Од друга страна, Анадолу Ефес можат да се задоволни со првиот пласман во финалето на Евролигата и со целата сезона во која се трансформираа од последнопласиран тим до конкурент за титулата.
Ова е уште една „ѕвездичка“ во кариерата на тренерот Димитрис Итудис, кој ги презеде „армејците“ во 2014 и ги предводеше до пет настапи во низа на фајнал фор, вклучувајќи ја титулата од 2016. Нандо де Коло, Никита Курбанов, Кајл Хајнс, Андреј Воронцевич, Кори Хигинс и Михаил Кулагин ја освојуваат својата втора титула со ЦСКА, откако беа дел од тимот од 2016 година.
Рускиот клуб неколку пати водеше со двоцифрена предност, но упорните Ефес се враќаа во игра. ЦСКА водеше со 29:20 по десет минути игра, а ја зголемија предноста на 34:20, но Ларкин ги остави Ефес во игра предводејќи ги до 14:3 низа, за да се доближат на само два разлика на полувреме (44:42).
ЦСКА повторно влезе во ритам на стартот на второто полувреме и имаше 14 поени предност (68:54), пред Ефес пак со низа од 8:0 да дојдат на само шест разлика (68:62) пред последната четвртина. Нандо де Коло беше човекот на одлука за ЦСКА, откако во последната четвртина остана смирен за големата победа.
Во финалето, ЦСКА беше импресивна во шутовите за поле (14-од-22 за тројки), а најефикасни беа Хигинс и Вил Клајбурн со по 20 поени, додека Шејн Ларкин за разлика од полуфиналето не успеа сам да го крене Ефес, но го заврши мечот со 29 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.