Спорт
Евролига: Миротиќ ја „крена“ Барса против Ефес (видео)
Никола Миротиќ блесна во првиот меч во Евролигата по петгодишна пауза за да ги предводи Барселона до гостинска 74:64 победа над Анадолу Ефес. Црногорецот со шпански пасош постигна 9 од своите 24 поени во последната четвртина за импресивна победа на тимот на Светислав Пешиќ.
Шејн Ларкин и Адриен Мерман се повредени и недостасуваа во тимот на Ефес, за кој Алек Петерс имаше 16 поени, а Василије Мициќ додаде 14 поени и 5 асистенции. На другата страна Миротиќ имаше 24 поени со 5-од-8 за два и 4-од-8 за три поени, а Малколм Дилејни додаде 11 поени и 7 асистенции во своето враќање во Евролигата.
Свој кам-бек во елитната европска кошарка имаше и Алба Берлин, кои со 85:65 ги победија Зенит Санкт Петербург, кои пак, првпат во својата историја играат во натпреварувањето. Лендри Ноко имаше 16 поени без утнат обид од поле, а Маркус Ериксон додаде 15 за германскиот клуб.
„Староседелците“ Басконија ја почнаа сезоната со импресивна 70:58 победа на гости кај Жалгирис во Каунас, предводени од Шејвон Шилдс, кој имаше 19 поени, од кои 15 во првото полувреме. Гостите водеа со 37:30 и и покрај кам-бекот на Жалгирис, на крајот стигнаа до импресивна победа.
ЕВРОЛИГА, 1.КОЛО
Жалгирис Каунас – Басконија 58:70 (19:19, 11:18, 16:18, 12:25)
Анадолу Ефес – Барселона 64:74 (14:19, 12:18, 20:12, 18:25)
Алба Берлин – Зенит Санкт Петербург 85:65 (24:18, 23:13, 20:19, 18:15)
Лион-Вијербан – Олимпијакос 82:63 (21:24, 19:9, 16:14, 26:16)
Валенсија – ЦСКА Москва 71:96 (17:24, 21:26, 16:26, 17:20)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баер Леверкузен заинтересиран за фудбалер на Реал Мадрид
Баер Леверкузен има фантастична сезона. Избраниците на тренерот Чаби Алонсо ја освоија Бундеслигата и ставија крај на 11-годишната доминација на Баерн, тие се пласираа во финалето на германскиот куп, противник ќе им биде Кајзерслаутерн, а во Лига Европа, во полуфиналето за противник ја добија Рома.
Логично дека постои голем интерес за фудбалерите, кои под водство на Чаби Алонсо немаат пораз на 44 натпревари во сите конкуренции. Тоа значи дека во клубот веќе работат на потенцијалните засилувања.
„Билд“, пишува дека Баер е заинтересиран за Рафа Марин (21), шпански дефанзивец и репрезентативец до 21 година, кој е под договор со Реал Мадрид и оваа сезона е на позајмица во Алавес.
Марин, ги помина сите младински категории на Реал, додека оваа сезона забележа 31 настап како првиот тим на Алавес.
Пјеро Хинкапи и Џонатан Тах се дефанзивци без кои Алонсо би можел да остане и од чија продажба Баер би можел да заработи пари. Од друга страна, за Марин, клубот ќе треба да му плати обесштетување на Реал, бидејќи тој има валиден договор до летото 2026 година.
„Трансфермаркт“, неговата вредност ја проценува на пет милиони евра.
Спорт
Тен Хаг задоволен по победата над Шефилд Јунајтед
Фудбалерите на Манчестер Јунајтед со пресврт слаеа со 4:2 против нјлошиот тим во Премиер лигата, Шефилд Јунајтед на свој терен го пречекаа последно пласираниот Шефилд Јунајтед .
Славниот клуб двапати загуби, но на крајот успеа да победи. Тренерот на Јунајтед, Тен Хаг, по натпреварот рече дека неговиот тим одиграл добар натпревар,
„Имавме целосна контрола! Извинете, јас на поинаков начин г гледав натпреварот. Да, имавме две грешки, затоа двапати губивме. Зборуваме за две негативности, концентрација и дисциплина. Но, во остатокот од натпреварот имавме целосна контрола. Тимот покажа издржливост. Не е лесно кога губиш, но успеавме да направиме пресврт против компактен тим. Ги надигравме, бевме многу мирни“, изјави Тен Хаг и додаде:
„Мораме да го запреме тој процес. Вакви грешки не смее да се прават на врвно ниво ако сакаш да постигнуваш цели, ако сакаш трофеи. Не смеете да дозволите вакви пропусти во концентрацијата и дисциплината, бидејќи животот е многу полесен без нив.“
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.