Спорт
Ф1 извинувања! Хамилтон му се извини на Леклер, Фетел им се извини на фановите (видео)
Кошмарот на Ферари на Бахреин ГП трката уште не можат да го преболат во италијанскиот тим, откако сигурната победа беше „фрлена“ поради технички проблем и со супер-брзиот мотор на Шарл Леклер, а како „бонус“ Себастијан Фетел повторно направи грешка и на крајот мораше да се задоволи со петтото место.
Триумфот на Луис Хамилтон на Сакир беше навистина среќен, откако тој ги искористи проблемите на младиот Леклер, кој беше толку многу блиску до својата прва победа. Дека и Британецот не е „безмилосен“ како некои поранешни шампиони, најдобро покажува неговиот гест кон возачот од Монако кога го претекнуваше, кога му се „извини“.
Pure class from Lewis ‘apologizing’ when overtaking Leclerc. #BahrainGP pic.twitter.com/RTCrmwQ8SO
— Giedo van der Garde (@GvanderGarde) March 31, 2019
Од друга страна, Фетел, далеку поискусниот возач во Скудерија, мораше да се извинува за тоа што пропушти барем да го осигура второто место за италијанскиот тим, откако и тој имаше проблеми со моќта во средината на трката по што беше вклучен во борба со Хамилтон за позиција, пред тој да направи грешка и да се изврти и да го оштети предното крило.
„Извинете момци, моја грешка. Се изненадив и ја загубив контролата. Навистина ми е жал. Кажете му на Шарл дека имаше одлична трка и дека победата требаше да биде негова“, им порача Фетел на колегите преку радиото по крајот на трката.
As dramatic as it was unexpected ??
Sebastian Vettel’s challenge comes to an abrupt end in Sakhir#BahrainGP ?? #F1 pic.twitter.com/QeNjngIIVG
— Formula 1 (@F1) March 31, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мундо Депортиво: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара околу трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.
Спорт
Манчестер сити подготвува мега трансфер, мета е играч на Баерн
Манчестер сити, во летниот преоден рок ќе се обиде да го нагажира Џамал Мусиала (21), тврди „Гардијан“. Информацијата е пласирана во јавноста откако Реал Мадрид во четвртфиналето на Лигата на шампионите го исфрли тимот на Пеп Гвардиола, кој нема да може да ја одбрани титулата европски првак од минатата година.
Гвардиола сака дополнителни опции во редот за врска, а главна цел е еден од најголемите таленти во светот. Пред да пристигне во Баерн во 2019 година, Мусиала играше за германски СГ Барокштад Фулда-Ленерц, а потоа и за Саутемптон и Челзи во Англија.
За првиот тим дебитираше во 2020 година и досега има одиграно 161 натпревар, има постигнато 43 гола со 30 асистенции. Досега со Баерн осови 10 трофеи. Иако е роден во Штутгарт, има германско и англиско државјанство. Избра да игра за Германија, во чиј дрес досега одигра 27 натпревари и постигна два гола.
„Трансфермаркт“, веб-страницата која се занимава со проценка на вредноста на фудбалерите, наведува дека Мусиала вреди 110 милиони евра, што го прави еден од најскапите во светот, веднаш зад Фил Фоден и Букаја Сака (130 милиони евра), Винисиус Жуниор (150), Килијан Мбапе, Ерлинг Халанд и Џуд Белингем (180).
Сепак, Баерн нема намера да го пушти Мусијала, кој има договор до летото 2026 година.
За потсетување, најскап играч на Манчестер сити е Џек Грилиш, кој во 2021 година пристигна од Астон Вила за 117,5 милиони евра. Богатите арапски сопственици на Сити веројатно би морале да го соборат тој рекорд за Мусиала.