Спорт
Фановите ја слават сопругата на Клоп, таа „од сенка“ влијае за силен Ливерпул!
Ула, сопругата на менаџерот на Ливерпул, Јирген Клоп ќе остане запаметена како личност од сенка која донела вистинска одлука во полза на клубот од „Енфилд“.
Навивачите на „црвените“ кон крајот на минатата година се смирија кога дознаа дека Јирген Клоп го продолжил договорот со клубот за уште 5 години и на „Енфилд“ ќе остане најмалку до летото 2024 година.
Навивачите стравуваа дека Германецот би можело да си замине од клубот на крајот на договорот, а притоа е желба на фудбалските гиганти во Европа.
Тогаш во целата приказна се вклучила неговата сопруга, Ула која му сугерирала да потпише нв договор со „црвените“. Неа очигледно и се допаѓа животот во „градот на Битлси“.
Најзаинтересирани за ангажман на Клоп беа клубовите од Шпанија, но таа увидела дека трансфер во оваа земја би бил проблематичен за Јирген поради тоа што не го владее шпанскиот јазик.
Информациите се дека госпоѓа Клоп по вторпат одиграла клучна улога на радост на навивачите на Ливерпул. Првиот пат тоа го направила пред Клоп да стане менаџер на „црвените“, во 2015 годин.
Екс-играчот на клубот, Фил Томсон во разговор за норвешката телевизија „ТВ2“ рекол дека Клоп таа 2015-та година многу лесно можел да заврши на клупата на Манчестер Јунајтед, но неговата жена му рекла дека тоа не е вистинскиот потег.
Јирген во една прилика му го кажал токму тоа на Томсон.
Ула Клоп во историјата на Ливерпул ќе остане запаметена како од сенка влијаела на успесите на славниот англиски клуб.
Јирген Клоп минатата сезона му ја донесе на Ливерпул шестата титула во ЛШ, а оваа сезона само чудо може да го спречи да не го донесе на „Енфилд“ трофејот од Премиерлигата на кој се чека цели 30 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Првиот спринт во сезоната за Ферстапен, Хамилтон втор
Возачот на Ред Бул, Макс Ферстапен, триумфираше на првата спринт трка во сезоната, која се возеше како дел од Големата награда на Кина, петта трка од овогодинешниот шампионат во Формула 1.
Трикратниот светски шампион славеше со повеќе од 13 секунди предност пред Луис Хамилтон од Мерцедес, додека на третото скалило на подиумот се најде вториот возач на Ред Бул, Серхио Перез.
Од пол-позицијата стартуваше Ландо Норис во Мекларен, кој веднаш беше предизвикан од агресивниот Хамилтон, кој не му даде простор да остане во водство. И додека седумкратниот светски шампион го презеде водството, помладиот од двајцата Британци отиде широко и падна на седмото место, додека Хамилтон го следеа Алонсо и Ферстапен.
Бранителот на титулата најпрвин го стигна, а потоа во седмиот круг и го престигна Шпанецот, а два круга подоцна го презеде водството, откако Хамилтон практично не се бранеше, а потоа лесно се одлепи.
Возачот на Мерцедес исто така немаше конкуренција во борбата за второто место, но зад него се одвиваше голема борба за третата позиција. Алонсо најпрво беше предизвикан од Карлос Саинц Јуниор, но возачот на Астон Мартин се бранеше агресивно, што го искористи Перез и ги претекна двајцата.
Во еден момент дојде и до контакт меѓу двајцата Шпанци, поради што Алонсо мораше да се повлече од трката, а потоа дојде до борба меѓу Саинц и неговиот тимски колега Шарл Леклер.
На тој дуел имаше доста искри, а Леклер успеа да се снајде подобро и да стигне до четвртото место со две секунди зад Перез. Саинц беше три секунди поназад, пред Норис и Оскар Пјастри и Џорџ Расел во вториот Мерцедес, кој го освои последниот поен.
Во генералниот поредок сега води Ферстапен со 85 бодови, 15 повеќе од Перез, додека Леклер е трет со 64.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.