Спорт
Фантастичниот Шик и Чесите им го загорчија животот на Шкотите
Шкотска чекаше 23 години повторно да настапи на едно големо фудбалско натпреварување, но враќањето им го загорчија Патрик Шик и чешката репрезентација, која стигна до 2:0 победа во нивниот прв меч од групата Д, каде што сега ги чека дуел со уште потешките противници, Англија и Хрватска.
Шкотланѓаните почнаа фуриозно, како да сакаа да надополнат 23 години отсуство од големите натпреварувања (од СП во Франција во 1998 година), но по првите 15 минути, Чесите полека ја вратија контролата на играта.
Откако имаа неколку шанси, вклучувајќи ја најдобрата преку капитенот Робертсон, казната стигна во 42. минута, кога по третиот корнер во низа, напаѓачот на Баер Леверкузен, Шик беше највисок во скокот. Само што почна второто полувреме, во 52. минута, Шик забележа дека голманот Дејвид Маршал беше излезен од својот гол и упати апсолутно неверојатен удар од речиси половина терен за 2:0.
Esta cámara para ver el gol de Schick es una locura pic.twitter.com/fgOFhB8BPK
— Leandro (@leaburgos9) June 14, 2021
Ударот на Шик беше од 45.5 метри, со што тоа е голот од најдалеку во историјата на Европските првенства, а потегот беше уште поимпресивен бидејќи се работеше за „вртена“ топка со неверојатна траекторија. Сигурно меѓу најдобрите голови во 2021 година.
По ова, Шкотланѓаните повторно имаа повеќе од поседот на топката, но тоа не резултираше со промена на резултатот, иако селекторот Стив Кларк внесе во игра напаѓачи.
Графика: Sofascore за Топспорт.мк
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1687-26542”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.
Спорт
Инзаги по освојувањето на титулата: Неверојатно чувство, момците се исклучителни
Со победата од 2:1 над градскиот ривал Милан, фудбалерите на Интер синоќа ја освоија 20. титула во италијанската Серија А и ја сошија втората ѕвезда над грбот на својот клуб.
Интер ја круниса доминантна сезона во Италија и на пет кола до крајот има 17 бода повеќе од Милан.
„Нероаѕурите“ беа убедливи во текот на целата сезона, на 33 натпревари претрпеа само еден пораз, и тоа на домашен терен од Сасуоло.
Тренерот Симоне Инзаги конечно стигна до Скудетото во неговата трета сезона во Интер.
Едвај ја задржа работата на крајот од првата сезона, кога во финишот на сезоната 2021/2022. му ја предаде титулата на Милан, но минатата сезона го одведе Интер до финалето на Лигата на шампионите, а сега ја освои Серија А.
„Неверојатно е чувството, постигнавме нешто извонредно. Има многу протагонисти во овој успех. Пред се, играчите, исто така и директорите, а потоа и Стивен Жанг, за се што ни овозможи на ова патување. Моите мисли одат и кај моето семејство, сопругата и децата, родителите… Мојата мана е што понекогаш не можам да ја напуштам работата и да ја носам дома, но моето семејство е основата на сè“, рече Инзаги.