Спорт
Федерер и Надал поставија нов рекорд пред 51.954 гледачи!
Роџер Федерер го победи својот стар ривал Рафаел Надал со 6:4/3:6/6:3 во таканаречениот „Меч во Африка“ во Кејптаун, дуел во кој резултатот не беше најважен бидејќи се играше за добротворната фондација на Федерер во татковината на неговата мајка.
Мечот исто така постави нов светски рекорд по бројот на гледачите, бидејќи на стадионот во јужноафриканската метропола имаше 51.954 гледачи, а се собраа и над 3.5 милиони долари за фондацијата на Федерер, која обично пружа помош за образование во Африка.
Дуелот започна пред гласна публика, бидејќи изненадувачки на теренот се појави капитенот на јужноафриканскиот рагби тим кој го освои Светскиот куп, Сија Колиси, кој ја фрлаше паричката на стартот на мечот. Колиси му додели на Федерер дрес од Спрингбокси со име на Швајцарецот и тој го облече при загревањето.
Во првиот меч на вечерта, Федерер играше со основачот на „Мајкрософт“, филантропистот и милијардерот Бил Гејтс, за да стигне до 6:3 победа над Надал и јужнафриканскиот комичар и водител на „Дејли шоу“, Тревор Ноа.
Record-breaking! ??
An incredible 51,954 people were in attendance for #MatchInAfrica! pic.twitter.com/NfZTI9nBxk
— Tennis TV (@TennisTV) February 7, 2020
Victory for @rogerfederer in Cape Town! ??
He defeats Nadal 6-4 3-6 6-3 to win the #MatchInAfrica pic.twitter.com/DOJdttv1wv
— Tennis TV (@TennisTV) February 7, 2020
Siya Kolisi presents Roger Federer with his very own @Springboks jersey! ??#MatchInAfrica pic.twitter.com/rp4teA2GBQ
— Tennis TV (@TennisTV) February 7, 2020
Might this be the greatest rally of all time? ?#MatchInAfrica pic.twitter.com/0LEPBLlWm2
— Tennis TV (@TennisTV) February 7, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.