Спорт
Федерер „леташе“ до полуфинале во Индијан Велс, сега го чека Надал
Роџер Федерер по 12-ти пат се пласираше во полуфиналето на Мастерс турнирот во Индијан Велс, откако со 6:4/6:4 го совлада Полјакот Хуберт Хуркач, поставувајќи потенцијална пресметка со трикратниот шампион Рафаел Надал.
37-годишниот Федерер немаше проблеми против 22-годишниот Полјак, стигнувајќи до победа по еден час и една минута, за да освои 38 од 39-те гема на свој сервис на турнирот. Федерер и Новак Ѓоковиќ се рекордери во турнирот во пустината со пет титули, а Швајцарецот на 2 март ја освои својата 100. АТП титула во Дубаи.
Федерер сега ќе игра со Надал или со светскиот број 13, Карен Хачанов. Ако се случи дуелот со Надал, тоа ќе биде нивни 39. во кариерата (Надал има 23-15 предност) и четврти меч во Индијан Велс (Федерер има 2-1 скор). Швајцарецот го доби својот претходен единствен меч со Хачанов во Хале пред две години.
Во второто полуфинале во Индијан Велс ќе играат Доминик Тим и Милош Раонич.
Mr. ? is hungry for more@rogerfederer d. Hurkacz 6-4 6-4 to advance to the semi-finals at @BNPPARIBASOPEN for a 12th time#BNPPO19 pic.twitter.com/8XlcHd08Ud
— Tennis TV (@TennisTV) March 15, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.