Спорт
Федерер наполни 40, ривалите со емотивни честитки
Тенискиот свет денеска му го честиташе 40. роденден на еде од најголемите тенисери во историјата, Роџер Федерер.
Заедно со Новак Ѓоковиќ и Рафаел Надал, Швајцарецот има 20 гренд слем титули, меѓутоа за многумина тој ќе остане најдобриот на сите времиња без разлика на бројот на титули, поради неговиот стил, однесување на теренот и мајсторството во тениската игра.
Во поголемиот дел од декадата на 2010-тите, Федерер беше сметан за најдобар во историјата и во својата генерација, а дури и сега на 40 години, продолжува да биде инспирација на сите со тоа што уште не е во пензија.
„Среќен 40. роденден! 40-ти? Вау! Какво достигнување. Уште не инспирираш на теренот и надвор од него. Беше огромна чест да се делат терените со тебе. Ти си му потребен на спортот. Благодариме за сите работи кои ги направи и што покажа дека и на таа возраст може да се игра на највисоко ниво“, изјави светскиот број 1, Новак Ѓоковиќ во видео-порака на официјалата АТП турнеја.
Јапонскиот теисер Кеи Нишикори, кој во кариерата има три победи и осум порази против Швајцарецот, исто така го поздрави Фед-Екс.
„Роџер, среќен 40-ти роденден. Ти уште си мојот идол, некој кон кој секогаш можеш да го погледнеш како пример. Се надевам дека ќе играме уште неколку пати и дека ќе освоиш гренд слем турнири“, изјави Нишикори.
Канадскиот тенисер, Феликс Оже-Алијасим исто така го прослави својот роденден денеска (21-ви), но најде време да му честита на Федерер.
„Еј Роџерс, големи 40, а јас сум уште на 21. Неверојатно е што јас и ти играме во исто време. Се надевам дека и јас ќе играм кога ќе наполнам 40“, вели Канаѓанецот.
Forty-love ?
Happy Birthday to an icon & champion of our sport, @rogerfederer! ?? pic.twitter.com/b78UopQrja
— ATP Tour (@atptour) August 8, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Родри една година не доживеал пораз
Фудбалерот на Манчестер сити и шпанската репрезентација, Родри (27) зад себе има неверојатно достигнување. Еден од главните адути на Пеп Гвардиола нема загубено натпревар за клубот или репрезентација веќе една година.
Последниот пораз Родри го имаше во дресот на Шпанија од Шкотска во квалификациите за Европското првенство на 28 март минатата година.
Оттогаш Манчестер сити и Шпанија се непоразени во натпреварите во кои играше Родри. Шпанија неодамна загуби од Колумбија во пријателски натпревар, но со одлука на селекторот Луис де ла Фуенте Родри не играше на тој натпревар. Тој играше на следниот натпревар и со два гола беше најдобар играч во ремито (3:3) со Бразил.
Во овој период без пораз, Родри со Сити ги освои Лигата на шампионите, Премиер лигата, ФА Купот, Суперкупот на Европа и Светското клупско првенство. Некои истакнуваат дека го загубил „Комјунити Шилд“ од Арсенал, на почетокот на сезоната, но тој натпревар официјално заврши без победник по 120 минути, подоцна Арсенал славеше по изведувањето пенали.
Спорт
Меси: Ќе се пензионирам кога ќе престанам да уживам во играта
Лионел Меси пред шест месеци ја започна својата авантура во Америка. Аргентинецот откри дека во моментов не размислува за пензија.
Меси одлично ја започна сезоната во МЛС лигата, во првите три натпревари постигна три гола и забележа една асистенција. Сегашната форма покажува дека Меси се уште не е за пензија и дека му претстојат уште неколку години добар фудбал, што и самиот го потврди.
„Мојата возраст нема да биде важна за одлуката да се пензионирам. Ако продолжам да се чувствувам добро на теренот, ќе продолжам да играм“, изјави Меси.
Во Интер од Мајами, Меси е опкружен со пријатели, соиграчи со кои ја делеше соблекувалната во Барселона. Дел од Интер Мајами се и Серхио Бускетс, Луис Суарез и Џорди Алба. Аргентинецот нема да се пензионира се додека неговиот тим имма корист од него.
„Ќе престанам да играм фудбал во моментот кога веќе нема да можам да играм на ова ниво, кога нема да уживам во играта или кога нема да можам да им помогнам на соиграчите на теренот“, изјави аргентинскиот фудбалер.
Покрај за Интер Мајами, Меси во својата кариера настапуваше и за Барселона и ПСЖ.
Спорт
“Робињо и Алвеш? Некој да и го направеше тоа на мојата ќерка, сега немаше да дадвам интервју”
Робињо (40) и Дани Алвеш (40), некогаш фудбалски ѕвезди, сега се осудени силувачи.
Робињо кого на почетокот на кариерата, Бразилците го прогласија за наследник на Пеле, играше за Сантос, Реал, Манчестер сити, Милан. За бразилската репрезентација одигра 100 натпревари. Тој мора да отслужи деветгодишна затворска казна за брутално групно силување на 22-годишна девојка.
Исто така, Дани Алвеш (40), еден од најтрофејните фудбалери во историјата, пред два месеци беше правосилно осуден на 4,5 години затвор за силување девојка во ноќен клуб во Барселона во декември 2022 година. Но, пред два дена беше ослободен откако во затвор помина 14 месеци. За да излезе на слобода тој плати кауција од 1.000.000 евра.
Фелипе Мело, поранешен репрезентативец на Бразил, кој ја делеше соблекувалната со двајцата играчи, го коментираше тој случај за бразилскиот „Глобо Еспорте“.
„Никој нема право да зборува на оваа тема, но не гледам проблем сега да дадам свој коментир. Имам 15-годишна ќерка. Нејзе да и се случеше ова, јас немаше сега да бидам овде и да го давам ова интервју. Човечко суштество треба да се почитува, било да е машко или женско“, рече Мело.