Спорт
Ферстапен: Белгија е местото каде може да се вратиме во борба за титула!
Возачот на Ред Бул, Макс Ферстапен вели дека ќе даде се од себе да го надополни заостанувањето зад Луис Хамилтон во Ф1 шампионатот. По летната пауза овој викенд продолжувааат Формула 1 возбудувањата со трката за Големата награда на Белгија.
По 11 трки сезонава Хамилтон има 8 бодови предност пред Холанѓанецот.
„Имаше многу чудни моменти кои не чинеа голем број бодови, но повторно ќе бидеме таму, ќе дадам се од себе и се надевам дека мојот болид ќе е конкурентен“ вели Ферстапен.
Тој смета дека ќе има многу поддршка од навивачите на „СПА“ – патеката која не е многу одалечена од Холандија.
„Ќе биде убаво да се види портокалова боја на трибините. Ова е добро место каде можеме да се вратиме во борбата за титулата, добро сум подготвен“ – вели 23-годишниот возач.
? Max #Verstappen will seek to exert a degree of home advantage by beating Lewis #Hamilton to revive his title bid as #FormulaOne returns from a mid-season summer break at the Belgian Grand Prix#BelgianGP https://t.co/f6OSyhnqEA
— Stad Doha (@StadDoha_en) August 26, 2021
Хамилтон во Белгија ќе се обиде да дојде до 100-тата победа во кариерата во Формула 1.
Британецот е шампион во Ф1 четири сезони во низа, но оваа сезона има силна конкуренција.
„Ова е една од најнеизвесните сезони откако паметам. Битката не е готова. Нашиот болид е подобар по надградувањата на Силверстоун“ вели директорот на Мерцедес, Тото Волф.
Минатата сезона Хамилтон по четврти пат победи на „СПА“.
Трката е во недела со почеток од 15 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.