Спорт

Ферстапен го обвини „Пирели“ за инцидентот во Баку

Објавено пред

2 недели

- 7 јуни, 2021

Од

Возачот на Ред Бул, Макс Ферстапен, го обвини производителот на гуми „Пирели“ за инцидентот што се случи во финишот на трката во Баку, на трката за Големата награда на Азербејџан.

Ферстапен имаше сигурно водство, кога на пет круга до крајот на трката пукна задната десна гума на неговиот болид и тој заврши во заштитната ограда.

Трката потоа беше прекината, а по повторениот старт, прв целата ја мина неговиот тимски колега Серхио Перез.

„Не чувствував никакви проблеми сè до моментот кога болидот тргна надесно. Гумата само експлодираше. Кога тоа ќе се случи при голема брзина, тогаш е опасно. Секако дека ќе разговараме со ‘Пирели’. Но, веќе знаеме што ќе кажат, а тоа ќе биде тешко да се прифати како објаснување. Ќе кажат дека патеката не била чиста. Во секој случај тоа нема да го смени конечниот резултат. Лут сум поради ова што се случи. Требаше да биде лесна победа. Разочаран сум. Да, сè уште сме лидери во првенството, но разликата можеше да биде уште поголема“, рекол Ферстапен.

Холанѓанецот води во генералниот пласман со 105 поени, четири повеќе од Луис Хамилтон.

Наредната трка ќе се вози на 20 јуни во Франција.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

„Меси? Никогаш не давам коментари кога преговорите се во тек“

Претходно

Дончиќ постигна 46 поени, Далас елиминиран од ЛА Клиперс

Спорт

Барселона го потврди трансферот на Мемфис Депај

Објавено пред

1 час

- 19 јуни, 2021

Од

TopSport.mk

Барселона, во екот на Европското првенство, го претстави третото бесплатно засилување во актуелниот преоден рок. По Ерик Гарсија и Серхио Агуеро, од наредната сезона дресот на Барселона ќе го носи и Мемфис Депај.

Дека Депај го потпишал договорот, Барселона обајви во текот на првото полувреме од натпреврот Германија-Португалија.

Овој 27-годишен напаѓа, претходните четири и пол години ги мина во редовите на Олимпик Лион. За францускиот тим одигра 178 натпревари на кои постигна 76 голови. Минатата сезона, на 40 натпревари за Лион, постигна 22 гола и забележа 12 асистенции.

✍️ @Memphis
💙❤️ #MemphisCuler
— FC Barcelona (@FCBarcelona) June 19, 2021

Прикажи повеќе...

Спорт

Гризман открил каде ќе ја заврши кариерата

Објавено пред

2 часа

- 19 јуни, 2021

Од

TopSport.mk

Антоан Гризман, за кого Браселона пред две години плати 120 милиони евра, откри каде сака да ја заврши кариерата. Францускиот репрезентативец има договор со Барселона уште три години.

„Имам договор со Барселона до јуни 2024 година. Поота ќе одам во СД. Ми се допаѓа земјата, културата, ја сакам НБА лигата. Би сакал таму да ја завршам кариерата“, рекол Гризман.

Антоан Гризман има договор со Барселона, но прашање е дали ќе остане таму. Гласни се најавите дека Барселона ќе го продаде доколку добие добра понуда за него.

Прикажи повеќе...

Спорт

Ериксен ги посетил соиграчите: Добивме дополнителна енергија

Објавено пред

2 часа

- 19 јуни, 2021

Од

TopSport.mk

Кристијан Ериксен, вчера ја напушти болницата во Копенхаген, а попладнево решил да ги посети соиграчите од репрезентацијата. Ериксен се појавил на тренингот на националниот тим.

Кристијан Ериксен, минатата сабота, колабираше во текот на натпреварот Данска-Финска. Десет минути го реанимираа на теренот, а потоа беше префрлен во болница. Пред три дена беше успешно опериран, лекарите му вградија дефибрилатор кој ќе ја следи работата на срцето.

Денешната негова посета ги изненадила репрезентативците на Данска. На тренингот дошол со сопругата и двете деца.

„Не знаев дека ќе дојде. Кога го видовме престанавме да тренираме. Изгледаше добро, беше добро расположен. Тоа не целата екипа и даде позитивна енергија. Можевме да го прегрнеме. Ова беше еден многу убав ден, тоа ни беше потребно“, рекол играчот на Данска, Кристијан Норгард.

Прикажи повеќе...