Спорт
Ферстапен го истурка Леклер и победи на Ред бул ринг (засега условно)! (видео)
Беа потребни девет трки на календарот, но се случи – конечно Ф1 трка во 2019 во која победник не е возач на Мерцедес. И спротивно на очекувањата, победник не беше возач на Ферари, туку Макс Ферстапен пред своите верни навивачи во Австрија.
Ферстапен иако беше втор на стартот на трката, имаше ужасно стартување и падна на седмото место, но во лудиот финиш на трката успеа да ги претекне Себастијан Фетел, Валтери Ботас и Луис Хамилтон за во претпоследниот круг да го помине и Леклер, кој дотогаш беше супериорно напред, но во меѓувреме го истурка од патеката, и стјуардите најавија дека ќе го разгледаат инцидентот.
Доколку добие казна, ќе се фрли сенка на победата на Ферстапен и Ред бул на нивната патека во Шпилберг, и исто така првата победа на „бикот“ со мотори на Хонда, по крајот на партнерството со Рено минатата сезона.
Ботас на крајот остана на третото место, пред Себастијан Фетел, кој во последниот круг успеа да го помине Луис Хамилтон во необична битка. Во поени беа и фантастичниот Лендо Норис за Мекларен на шестото место, Пјер Гасли (Ред бул), Карлос Саинс Јуниор (Мекларен), Кими Раиконен (Алфа Ромео) и Антонио Џовинаци (Торо росо).
Tremendous racing by @redbullracing Max Verstappen muscling out @Charles_Leclerc winning in his home race of the #AustrianGP! Nice to see other teams dual it out in the final laps besides just @MercedesAMGF1 pic.twitter.com/xpucyDTQfq
— Jason Comeau (@jmcomeau97) June 30, 2019
Leclerc-Verstappen incident is under investigation. #F1 #AustrianGP pic.twitter.com/4xoIjTM2a0
— Oana Popoiu (@Oana_Popoiu) June 30, 2019
? CLASSIFICATION – AUSTRIAN GRAND PRIX ?
Verstappen takes Honda’s first win since 2006 – although stewards are looking at his lap 69 pass for the lead #AustrianGP ??#F1 pic.twitter.com/1EdjnShnB6
— Formula 1 (@F1) June 30, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.