Спорт
Ферстапен издржа за спектакуларна тактичка американска победа
Иако беше под огромен притисок, Макс Ферстапен го зголеми водството во генерален пласман со спектакуларна победа на Американското ГП, откако нивниот таткички трик успеа да го остави светскиот шампион Луис Хамилтон во Мерцедес на второто место и покрај драматичните последни неколку кругови.
Со победата, Ферстапен го зголеми водството во генерален пласман на 13 поени, откако сега има 287.5 поени пред Хамилтон со 274.5 на само пет трки до крајот на сезоната (Мексико, Бразил, Катар, Саудиска Арабија и Абу Даби).
Луис Хамилтон имаше фантастичен старт за да го помине Макс Ферстапен во Ред бул, но потоа немаше доволно брзина и време вторпат да го помине по успешниот обид на ривалот за „андеркат“, односно прерано влегување во боксот во текот на трката.
Стартот на трката беше одбележан со фантастичниот старт на Хамилтон, кој во саботата драматично ја загуби пол-позицијата од Ферстапен, откако беше јасно дека е побрз од Холанѓанецот. Тогаш во Ред бул се решија први да влезат во боксот, со што Ферстапен го презеде водството, а истото се повтори и со второто влегување во боксот – Ферстапен влезе пред Хамилтон, за на 19 круга пред крајот, Хамилтон да заостанува 8.4 секунди зад ривалот. Иако тој драстично се доближуваше до ривалот од Ред бул, на крајот немаше доволно време за обид за претекнување.
What a drive by @Max33Verstappen ?
He earned that ?#USGP ?? #F1 pic.twitter.com/iNDm2xSgQB
— Formula 1 (@F1) October 24, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.