Спорт
Фетел: Сериозен удар за нас, болидот беше брз…
Германецот Себастијан Фетел, домашната трка во Хокенхајм ќе ја стартува од последната 20 позиција. На денешните квалификации Фетел не успеа да комплетира ниту еден круг поради проблеми со болидот на Скудерија Ферари.
„Ова е голем удар за мене и за тимот. Се радував на домашната трка. Болидот беше добро подготвен. Многу ми е жал. Сè се случи во незгоден момент. Секако дека никој не го посакуваше ова. Мораме да разбереме што точно се случи за да не ни се повтори ова во иднина. Многу сум разочаран, болидот беше брз“, рекол Фетел кој втор пат оваа сезона поради технички проблеми не ги заврши квалификациите.
Heartbreak at Ferrari today ?
A double retirement saw Vettel out of Q1 – and Leclerc out of Q3 #F1 ?? #GermanGP pic.twitter.com/JMnaEJFcmP
— Formula 1 (@F1) July 27, 2019
Фијаското на Скудерија Ферари го комплетираше вториот возач Шарл Леклер кој исто така поради технички проблеми не излезе во третата квалификациска сесија и утре ќе стартува од десеттото место.
Пол-позицијата ја освои Луис Хамилтон пред возачот на Ред Бул Макс Ферстапен и тимскиот колега од Мерцедес, Валтери Ботас.
Трката за Големата награда на Германија се вози утре од 15.10 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.