Спорт
Фетел: Во Формула 1 луѓето се многу кратковиди
Пилотот на Ферари, Германецот Себастијан Фетел (32), го имаше најдоброто време во првата слободна тренинг-сесија пред трката за Големата награда на Германија, која викендов ќе се вози на „Хокенхајм“.
Зад него останаа Шарл Леклер од Ферари и Луис Хамилтон од Мерцедес. Температурата на патеката на почетокот на сесијата изнесуваше 40, а на крајот се искачи до 48 степени.
Претходно, Фетел се покажа како свој најголем критичар пред Гранд при трката во Германија. Забелешките кон Фетел од почетокот на сезонава значително се зголемија, особено со оглед на тоа што четирикратниот освојувач на Формула 1 сезонава нема победа.
„Ако земам погрешно решение и направам грешка, не можам да бидам среќен со тоа. Тензијата под која сам се поставувам е далеку поголема од сите други надворешни фактори. Работите отсекогаш биле вакви, откако јас се сеќавам. Мислам дека сите знаеме дека Формула 1 е спорт во кој луѓето се многу кратковиди, но тоа е дел од играта. Очигледно оваа година не се развиваше начинот на кој сакавме ако ги земем предвид претходните две. Сепак, мислам дека има напредок во вистинската насока и со оглед на поголемата слика“, рече Фетел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Познати сe полуфиналните термини во Лигата на шампионите
Пари Сен Жермен, Борусија Дортмунд, Баерн Минхен и Реал Мадрид се пласираа во полуфиналето, во Лигата на шампионите.
Познато е дека во полуфиналето ќе се сретнат Пари Сен Жермен и Борусија Дортмунд, односно Баерн Минхен и Реал.
Домаќини на првите натпревари ќе бидат германски клубови, додека реваншите ќе се играат на „Паркот на принцовите“ во Париз и на „Сантијаго Бернабеу“ во Мадрид.
Полуфиналните натпревари се закажани за 30 април и 1 мај, а реваншите на 7 и 8 мај.
Сите натпревари започнуваат во 21:00 часот.
Финалето на Лигата на шампионите е на 1 јуни на стадионот „Вембли“ во Лондон.
Спорт
Де Роси ќе ја води Рома и следната сезона
Даниеле Де Роси и следната сезона ќе остане на клупата на Рома. Поранешниот капитен ги оправда очекувањата и на навивачите и на клупските челници.
Поранешниот италијански репрезентативец, функцијата ја презеде од Жозе Мурињо, кој доби отказ во јануари по поразот од Милан (1:3).
Де Роси ја донесе Рома на петтото место на табелата, кое според сегашната ситуација треба да го одведе тимот во Лигата на шампионите, бидејќи Италија во моментов води на УЕФА рангирањето на најдобрите клубови и со тоа би добила уште едно место во елитното европско клупско натпреварување.
Исто така, Рома е и во четвртфиналето на Лига Европа, каде со Милан се бори за место меѓу најдобрите четири екипи.
„По средбата со Даниеле Де Роси, можеме да кажеме дека ќе остане со нас и следната сезона. Тој донесе позитивни промени и сакаме да продолжиме по тој пат“, изјавија газдите на Рома, Американците Ден и Рајан Фридкин.
Спорт
Судиите во Украина пред натпревар ќе одат на полиграф
Легендарниот украински фудбалер Андриј Шевченко воведува неверојатно правило во тамошниот фудбал. Судиите ќе мора да поминат на полиграф пред натпреварите. Судиите ќе бидат избрани по случаен избор, а целта на овој проект во украинскиот фудбал е да се стави крај на местењето натпревари.
Оваа информација ја пренесува италијанскиот весник „Кориере дела сера“, со образложение дека идејата на Шевченко има за цел „да ја намали корупцијата во фудбалот и да спречи местење натпревари“.
Судиите ќе мора да поминат тестирање пред натпреварите. Нешто слично како случајните допинг тестови за фудбалерите, кои се прават по натпреварите.
„Го гледаме полиграфот како шанса да добиеме повеќе информации и да разбереме кои судии можат да се справат со оваа работа, а кои не. Почнуваме од нула“, рече Шевченко, поранешен напаѓач на Милан, Челзи и Динамо Киев.