Спорт
ФИА го казни Ферстапен со пет места, Хамилтон ги испофали стјуардите
По сите контроверзи на Бразилското ГП минатиот викенд, ниту трката во Катар не поминува без казни уште пред да почне, откако стјуардите му дадоа на лидерот во генерален пласман, Макс Ферстапен казна од 5 места за Катар ГП трката, која стартува во 15 часот.
Холанѓанецот, кој се квалификуваше како втор зад лутиотр ривал Луис Хамилтон, ќе стартува од седмото место откако стјуардите утврдија дека не успорил доволно за „двојното“ жолто знаме во финишот на третата квалификациска сесија во саботата.
Ферстапен беше последен возач на летечки круг, кога се „сретна“ со Пјер Гасли во Алфа Таури, кој имаше дупната предна гума. Тој го подобри своето време, по што следуваше долг состанок во неделата, пред да добие казна од пет места. Казнет е и Валтери Ботас, но само со три позиции откако наиде на само едно жолто знаме во летечкиот круг.
На казната веднаш реагираше Хамилтон, кој треба да надополни разлика од 14 поени во последните три трки од сезоната и посочи дека и тој добил казна од три места на минатогодишното Австриско ГП по „лобирањето“ на Ред бул.
„Единствената реакција е дека мора да се биде постојан. Во Австрија добив казна од три места за знаме кое не го видов. Добро е што се придржуваат до правилата“, изјави Хамилтон.
PROVISIONAL STARTING GRID, QATAR* #QatarGP ?? #F1
* = Following Verstappen and Bottas penalties pic.twitter.com/UmI8tYh4yj
— Formula 1 (@F1) November 21, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…