ФИФА покрена постапка против Паредес, можна суспензија од неколку месеци

Леандро Паредес би можел скапо да плати за своето однесување по финалето на Светското првенство помеѓу Аргентина и Шпанија.

ФИФА покрена дисциплинска постапка поради масовната тепачка што избувна веднаш по завршувањето на натпреварот, а на аргентинскиот играч од средниот ред му се заканува неколкумесечна суспензија од натпреварите на репрезентацијата.

Паредес беше еден од главните актери на инцидентот на теренот на стадионот „МетЛајф“ во Њу Џерси. Камерите снимија како го собори Ерик Гарсија, а потоа го удри Гави.

Поради неговото однесување, Аргентинецот доби директен црвен картон по последниот свиреж на судијата, но неговата казна веројатно нема да биде ограничена само на автоматска суспензија.

Според светските медиуми, доколку ФИФА утврди дека Паредес намерно физички нападнал противнички играчи, би можел да добие забрана за играње на најмалку три меѓународни натпревари.

Конечното времетраење на суспензијата ќе зависи од извештаите на судиите и резултатите од истрагата, па не е исклучено казната да биде многу построга.