Спорт
Филипе Луис: Симеоне нема срце…нема подобар во историјата од Меси
Искусниот Бразилец, Филипе Луис, ден пред натпреварот помеѓу Атлетико и Челси, во Лигата на шампионите, во опширно интервју, открил каквва соработка имал Диего Симеоне и Жозе Мурињо, а проговорил и за Еден Азар и Лионел Меси. Фелипе Луис, во кариерата бил играч на Атлетико и Челси, а во моментот е играч на Фламенго.
Филипе Луис, рекол дека е голем пријател со Симеоне, но дека бил под голем стрес кога играл пд негова команда во Атлетико.
„Не е лесно да играш за Симеоне, тој нема срце. Тој решава што ќе направи за да победи. Кога дојде во клубот во 2011 година бевме оддалечени четири бода од опасната зона, а потоа тој ја освои Лига Европа. Кога дојде во декември јас бев бек без самодоверба, во јануари станав најдобриот лев бек во светот. Околу 120 фдбалери минаа низ Атлетико под водство на Симеоне. Некои од нив дојдоа како ѕвезди и не се снајдоа, додека имаше и играчи кои неа анонимуси, а потоа станаа големи ѕвезди“, рекол Бразилецот.
Во летото 2014 година тој замина во Челси, кај Жозе Мурињо. Во Лондон се задржа само една сезона, бидејќи Мурињо не му пружи шанса да игра во континуитет.
„Кога во првиот меч, во сезоната, останав на клупата, разговарав со Мурињо, го парашав зошто сакаше да дојдам во Челси, го прашав зошто не ме остави во Атлетико. Ми кажа дека дефанзивно е сигурен кога на таа позиција игра Аспиликуета. Ми кажа дека морам да се изборам за место во тимот. Донекаде и беше во право, не играв добро, а не можев да го исправам тоа бидејќи не играв многу“.
Фелипе Луис, ги издвоил Нејмар и Еден Азар, како најталентираните играчи со кои имал можност да ја дели соблекувалната.
„Еден Азар покрај Нејмар е најдобриот фудбалер кој ми бил соиграч. Но тој не тренираше добро. Пет минути пред почетокот на натпреварот тој во соблекувалната играше Марио Карт. Потоа се загреваше со одврзани копачки. Но, кога мечот ќе започне, тогаш никој ништо не му може. Азар е неверојатно талентиран. Можеби му не е доволно амбициозен за да биде најдобра во светот“.
Во текот на кариерата имал можност многу пати да води битки на теренот против Лионел Меси, со денови се подготвувал за дуелите против него, внимателно ги анализирал движењата на меси.
„Еден ден би сакал да го прашам каков чувство имал кога играл против мене. Мојот пристап беше дека тоа е најважната работа во животот, бидејќи Меси е најдобриот играч што сум го видел во животот. Импровизира. Го нема дриблингот во главата се додека не дојде топката кај него. Потоа го следи движењето на директниот чувар и носи одлука во дел од секундата. Некогаш бев и премногу агресивен, но никогаш не се лутеше. Мислам дека му се допаѓаше мојот пристап“, заклучил поранешниот репрезентативец на Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Цолакис одбрани три пенали – Олимпијакос го елиминира Фенербахче
Познати се сите полуфиналисти во Конференциската лига. На Фиорентина, Астон Вила и Клуб Бриж им се приклучи Олимпијакос. Грците, по голема драма, успеаја да го минат Фенербахче по избедувањето пенали и за прв пат во својата историја да се пласираа во полуфинале во натпреварување одрганизирано од УЕФА.
Олимпијакос допатува на ревашот во Истанбул, против Фенербахче со предност од 3:2. Таа предност Фенер ја анулираше по само 11 минути игра, кога Кавечи погоди за 1:0.
Сепак до крајот на натпреварот немаше голови.
На крајот пенал серијата донсе невидена драма, од која како херој излезе голманот на Олимпијакос Цолакиз.
Цолакис ги одбрани ударите на Тадиќ, Ченгиз Ундер и Бонучи. Ел Араби не реализираше за Олимпијакос, исто како и Родинеи во последната серија, неговата топка по одбраната на Ливаковиќ удри во гредата и падна на гол линијата.
Олимпијакос во полуфиналето ќе игра против Астон Вила.
Спорт
(Видео) Милан и со играч плус немоќен во Рим, Баер ја продолжи серијата без пораз, Ливерпул елиминиран
Италија има два клуба во полуфиналето на Лига Европа. Пласманите на Рома и Аталанта меѓу најдобрите четири екипи во ова натпреварување и донесоа на Италија уште едно место во Лигата на шампионите наредната сезона.
Рома и во реваншот го победи Милан (2:1) и покрај тоа што повеќе од 60 минути играше со фудбалер помалку. Вкупниот резултата во овој двомеч е 3:1 за „волчицата“.
Аталанта загуби на домашен терен од Ливерпул (0:1), но победникот во двомечот го реши триумфот на Аталната во Ливерпул, пред една недела (3:0).
Во полуфиналето е и германскиот шампион Баер Леверкузен. „Фармацевтите“, во 89.минута избегнаа пораз во Лондон од Вест Хем (1:1). Баер ја продолжи неверојатната серија, тимот на Чаби Алонсо нема пораз оваа сезона.
Милан практично беше нокаутиран во Рим по 20-ина минути. Рома поведе со 2:0 со головите на Манчини во 12. минута и Дибала во 22. минута и дојде до вкупни 3:0. Малку надеж Милан доби во 31.минута кога Зеки Челик доби црвен картон.
Сепак и со играч плус на теренот, Милан не успеа сериозно да се закани. Во вториот дел Рома имаше две големи шанси преку Спенацола и Ејбрахам. Се што направи Милан на овој меч е голот на Габија во 85.минута.
Ливерпул и покрај сериозната негатива од првиот меч, се обиде да направи чудо во Бергамо. на крајот не успеа и покрај тоа што со голот на Салах во 10.минута од пенали дојде до предност.
Египќанецот имаше уште една одлична шанса во првото полувреме, но неговиот обид за лоб помина покрај голот. Во продолжение Ливерпул не успеа да постигне уште еден гол, а не создаде ниту голема шанса. На крајот, сепак, Аталанта немаше многу проблеми да ја одбрани големата предност од првиот меч.
Баер во Лондон дојде во одлично расположение. Обезбедена првата титула во клупската историја, без претрпен пораз во сите натпреварувања во сезоната и предност од 2:0 од првиот натпревар.
Но во 14. минута Вест Хем ја преполови таа предност преку Антонио. Но, за жал, на Вест Хем, тоа беше се што успеа да направи премиерлигашот. „Чеканите“ не успеаја да му го нанесат првиот пораз на Баер во сезоната, бидејќи Фримпонг постигна гол за 1:1 во 89. минута.
Спорт
(Видео) Мартинез ја однесе Вила во полуфиналето, Фиорентина во продолженијата ја „скрши“ Викторија
Астон Вила и Фиорентина изборија пласман во полуфиналето на Конференциската лига. Фиорентина во продолженијата ја елиминира Викторија Плзен, а Астон Вила го доби пенал-рулетот, во Франција против Лил, благодарение на голманот Емилијано Мартинез.
Фиорентина заслужено влезе во полуфиналето. Чудо е како „виолетовите“ не успеаја да го решат прашањето околу кончениот победник во регуларните 90 минути.
Неколку пати фудбалерите на Фиорентина ја погодија стативата, а од 66.минута имаа и фудбалер повеќе на теренот.
Нико Гонзалес (92) и капитенот Кристијано Бираги (108) ги постигнаа головите, во победата 2:0, во продолженијата.
Фиорентина во полуфиналето ќе игра против подобриот од натпреварот Фенербахче – Олимпијакос.
Астон Вила „спаси“ глава во Лил. Најпрвин со голот на Кеш во 87.минута тимот на Унаи Емери се избори за дополнителни 30 минути фудбал, а потоа го искористи своето најсилно оружје во пенал-драмата, голманот Мартинез.
За Лил стрелци во регуларниот дел од натпреварот беа Јазичи во 15. и Андре во 67.минута.
Мартинез го одбрани пеналот на Бенталеб во првата серија, а во четвртата неговиот колега Шевалие го запре обидот на Бејли. Реши последниот пенал, Мартинез го прочита капитенот на Лил Андер и ја однесе Вила во полуфиналето.
Emi Martinez saves the pen then dances. He is so unserious man.. 😭😭
— Conn (@ConnCFC) April 18, 2024