Спорт
Финишот на полувремето кобен за Македонија, пораз од Словенија со 21-31
Добрите две третини од првиот дел од мечот меѓу Македонија и Словенија во рамки на главната фаза од ракометниот Мундијал во Египет се поттиснати од лошото издание на ракометарите во продолжение од мечот. Македонија со 21-31 загуби од Словенија во првиот меч од новоформираната група во која не очекуваат и мечевите со Белорусија, односно Русија.
Добри 21 минута од првото полувреме за македонските ракометари, и катастрофални последни 9 минути – без постигнат гол.
Во 21 минута беше егал 9-9, Македонија претходно имаше и водство од два разлика (5-3 и 6-4).
Сепак, поради црните минути од мечот, Словенците на полувреме отидоа со +4, 13-9.
Првиот дел во македонската репрезентација помина во знакот на Лазаров кој постигна 3 гола, исто колку и „оспоруваниот“ Талевски. На голот Никола Митревски собра 7 одбрани, а Лесјак на спротивната страна броеше до 11.
Кај Словенија ветеранот Драган Гајиќ првото полувреме го заврши со 5 погодоци. Три гола постигна бекот Доленец.
И вториот дел започна како што заврши полувремето, со прецизна игра кај Словенија и конфузија во македонските редови.
Словенците по 8 минути игра од вториот дел веќе отидоа на +7, на семафорот во Каиро стоеше 11-18, кратко потоа и 12-19.
Мачковшек и Зарабец сега беа поддршка за неуморниот Гајиќ, а во нашата селекција Лазаров не успеваше да ги мотивира соиграчите да направат крупен чекор кон пресврт во мечот.
Во 11 минута од вториот дел Словенија стигна и до највисоки +8, 12-20 што значеше крај за надежи за пулените на Данило Брестовац.
Се обиде нашата селекција да се врати во живот, успеа од -9 (12-21) да се врати на -6, но тоа беше се што успеаја ракометарите на Македонија да сторат.
На крајот на новиот пораз за македонската ракометна репрезентација во Каиро капитенот Кире Лазаров мечот го заврши со 5 гола, по 3 постигнаа Талевски, Филип Кузмановски и Танкоски.
Кај победничката селекција најпрецизен беше Гајиќ со 7 гола, го следеа Мачковшек и Доленец со по 5.
Во втората рунда од главната фаза, Македонија силите ќе ги одмери со Белорусија, мечот се игра на 22. јануари.
Фото: Balkan Handball
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.