Спорт
Фјури со шоу и со нокаут во втората рунда (видео)
Тајсон Фјури повторно покажа дека е еден од најинтересните боксери во тешка категорија на денешницата, откако го нокаутираше Германецот Том Шварц во втората рунда од мечот во Лас Вегас, приредувајќи шоу во рингот и надвор од него.
30-годишниот поранешен апсолутен шампион во категоријата, го прати Шварц на подот со силен удар со десницата, пред мечот да биде прекинат. Ова беше прв меч за „Џипси кинг“ по контроверзното реми со ВБЦ шампионот Дионтеј Вајлдер во декември, и прв меч по потпишувањето на богатиот договор со „ЕСПН“.
Шоуто беше загарантирано – Фјури влезе во рингот со песна на Џејмс Браун како Аполо Крид од филмовите Роки, облечен со американското знаме. Кога почна мечот, Фјури беше безмилосен против 25-годишниот противник, пред во втората рунда да тргне во напад. Тука не беше крајот – по мечот тој го продолжи шоуто пеејќи песна на Аеросмит.
Шварц беше непоразен во своите 24 меча пред дуелот, но беше далеку од изненадување какво што направи Енди Руиз Јуниор против ВБА, ИБФ и ВБО шампионот Ентони Џошуа. По крајот на мечот, Фјури покажа дека е и голем спортист, откако отиде во соблекувалната на Германецот да му честита за добрата партија со зборовите: „Дојде тука да се бориш и тоа мора да се почитува“.
Tyson Fury is the best Heavyweight Boxer in the world right now… and he proved it tonight with this KO ? ?? #FurySchwarz pic.twitter.com/MkFqnYCNhC
— Harrison Klopp (@HarrisonKlopp) June 16, 2019
There’s only one @tyson_fury!
Fury comes out with a tribute to Apollo Creed #FurySchwarz on @espn+ pic.twitter.com/fliRZ27LEt
— Top Rank Boxing (@trboxing) June 16, 2019
There is absolutely nobody like him. The most entertaining man in sports @tyson_fury #FurySchwarz ?? pic.twitter.com/2gkKuVE3uL
— Top Rank Boxing (@trboxing) June 16, 2019
This is amazing ❤️
Tyson Fury and Ben Davison went into Tom Schwarz’s dressing room after the fight..
“You came to win and that stands for a lot.”
“Your son done a good job, you should be proud!”
“I’ll try and get you on my next card, I’d like you to come train with me.” ? pic.twitter.com/IzQlJNERcT
— Boxing on BT Sport ? (@BTSportBoxing) June 16, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.