Спорт
Франција извлече реми во Киев, драмaтични гостински победи за Данска и Хрватска
Нови седум натпревари се одиграа вечерва во квалификациите за пласман на Светското првенство во Катар. Дербито во Киев, каде играа Ураина и Франција заврши без победник 1:1.
Украина не победува, но и не губи во овие квалификации. Сите пет мечеви што ги одиграа досега Украинците во Д-групата, завршија без победник. Франција од друга страна има две победи и три нерешени резултати.
Шрапенко, со прекрасен гол во 44.минута донесе предност за Украина. За играчот на Динамо Киев ова беше прв гол во националниот тим. Израмни Марсијал во 50.минута.
Данска во Ф-групата тешко стигнадо победата против аутсајдерот Фарски острови. Винд го постигна единствениот гол на мечот во 85.минута. Минута претходно Фарските острови останаа со фудбалер помалку на теренот.
Минимална победа во оваа група забележа Шкотска над Молдавија. Голот за победа го постигна Дајкс во 14.минута.
Во рамките на оваа група се одигра најефикасниот натпревар. Израел ја победи Австрија со 5:2. Блескаа напаѓалите на Израел: два гола постигна Захави, а по еден Соломон, Дабур и Вајсман.
Данска има максимални 15 поени, Израел се проби на второто место со 10, Шкотска е на осум, Австрија на седум, а Фраските острови и Молдавија на по еден бод.
Холандија, во Г-групата, ја декласира Црна Гора со 4:0. Два гола постигна Депај, а по еден Вајналдум и Гакпо. Турција очекувано победи во Гибралтар. Турците победија со 3:0.
Турците ја предводат групата со 11 бодови, еден помалку имаат Холандија и Норвешка, Црна Гора остана на седум, Латвија има четири бода, а Гибралтар се без бодови.
Дербито во Х-групата и припадна на Хрватска. Хрватите во Братислава славеа над Словачка со 1:0. Голот за победа го постигна Брозовиќ во 86.минута.
Русија и Хрватска имаат по 10 поени, Словенија има седум, Словачка шест, а Малта и Кипар по четири бода.
#SLOCRO
Slovakia 0-1 Croatia | GOAL! Brozovic ?to never miss any goal, Follow ??@IFAST66 pic.twitter.com/JnR9ls2T1i
— Follow @IFAST66 (@ifast222) September 4, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Богдановиќ и Мареј ги срушија Бостон Селтикс
Атланта Хокс по едно продолжение ги победија Бостон Селтикс со 123:122. Богдан Богдановиќ и Дежонте Мареј му пресудија на лидерот во НБА лигата. Првиот погоди два пати во финишот на регуларниот дел, а вториот ги постигна сите поени за Атланта во продолжението.
Атланта Хокс ја забележаа четвртата последователна победа во НБА лигата, а капитенот на српската репрезентација, со две последователни тројки им овозможи на домаќините продолженијата.
Богдановиќ за 43 минути игра имаше 24 поени (9/19 од поле, 2/8 за три, 4/4 од поле), седум скока и пет асистенции.
Атланта до победата ја предводеше Дежонте Мареј со рекорд во кариерата од 44 поени, за што му беа потребни дури 44 шута кон кошот на Бостон.
Тој ги постигна поените за победа на 0,1 секунда пред крајот на продолжението. Мареј беше единствениот играч на Хокс кој постигна поени во продолжението.
Тој имаше и седум скока, седум асистенции и две украдени топки. Коби Брајант и Расел Вестбрук се единствените играчи кои имаат повеќе шутеви од игра од Мареј во последните 20 сезони.
Брајант имаше шест натпревари со најмалку 44 шута. Толку такви настапи имаше Рик Бери, а четири Елгин Бејлор. Апсолутен рекордер е Вилт Чембрлен со дури 58 натпревари. За илустрација Мајкл Џордан само еднаш во кариерата на еден натпревар 44 пати шутирал кон кошот на противникот.
Инаку, Мареј имаше повеќе шутеви на овој натпревар отколку првите ѕвезди на Селтикс Џејсон Тејтум (22) и Џејлен Браун (17) заедно.
Кај Хокс уште се истакнаа и Деандре Хантер со 21 поен и 13 скока и Клинт Капела, кој додаде 12 поени и 13 скока.
Во тимот на Бостон Џејсон Тејтум постигна 31 поен со 13 скока и пет асистенции, Дерик Вајт додаде 22 поени, седум скока и пет асистенции, а Кристапс Порзингис имаше 20 поени и седум скока.
Бостон е најдобриот тим во НБА со 57 победи и 16 порази и го обезбеди првото место пред плеј-офот во Источната конференција.
Со 34 победи и 39 порази, Атланта е на 10. место кое води во плеј-ин.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.
Спорт
Хенес: Алонсо нема да дојде во Баерн ова лето
Почесниот претседател на Баерн, Ули Хенес изјави дека минимални се шансите тренерот на Баер Леверкузен, Чаби Алонсо на крајот на сезоната да го преземе клубот од Минхен.
Баерн пред нешто повеќе од еден месец објави дека тренерот Томас Тухел ќе ја заврши својата мисија во Минхен на крајот од сезоната.
„Точно е дека сакаме да потпишеме договор со Алонсо. Сепак, ќе биде многу тешко, да не речам невозможно“, изјави Хенес.
Алонсо го презеде тимот од Леверкузен во октомври 2022 година, а оваа сезона е вистински хит во Бундеслигата.
„Сигурен сум дека Алонсо ќе остане во Баер за да ја продолжи својата работа. Сега е тренер на клуб кој е блиску до освојување на титулата во Бундеслигата. Тој треба да му биде благодарен на клубот, но и клубот има за што да му заблагодари“, додаде Хенес.
Од 2014 до 2017 година, Алонсо играше за Баерн Минхен, каде што разви одлични односи со луѓето од клубот, меѓу кои и тогашниот претседател Ули Хенес, кој сега е доживотен почесен претседател.