Спорт
Французинките преку Данска, Србинките си одат дома
Франција со 23:20 ја совлада Данска во големото дерби на Европското првенство во ракомет во Данска за прво место во групата А и максимален број на поени во втората рунда, додека светските шампионки, Холанѓанките со 28:24 ја победија Унгарија, резултат кој значи дека Србија испаѓа уште во првата фаза.
Во меч во кој одбраната и голманките имаа главна улога, Французинките на крајот славеа и ќе носат максимални 4 поени во втората рунда, додека Данките одат со два поени. Грејс Сади Дона и Орлан Канор беа најдобри за Франција со пет постигнати голови, додека кај Данките, Ане Хансен, Кристина Јоргенсен и Миа Бидструп постигнаа по четири гола.
На Србија по поразот од Хрватска (25:24) им требаше победа на Унгарија за пласман во втората рунда, но Холанѓанките се вратија по негативата од првото полувреме за 28:24 победа, нивна прва на шампионатот. Хрватска во оваа група носи 4 поени во втората рунда, Холанѓанките 2, а Унгарките ниту еден.
ЕВРОПСКО ПРВЕНСТВО, 3.КОЛО
ГРУПА А
Црна Гора – Словенија 26:25 (15:9)
Франција – Данска 23:20 (12:11)
Табела: 1.Франција 6, 2.Данска 4, 3.Црна Гора 2, 4.Словенија 0
ГРУПА Ц
Србија – Хрватска 24:25 (14:14)
Холандија – Унгарија 28:24 (13:15)
Табела: 1.Хрватска 6, 2.Унгарија 2, 3.Холандија 2, 4.Србија 2
WATCH: Orlane Kanor makes her mark in her first match at the #ehfeuro2020 for @FRAHandball ?? ?#ehfeuro2020 #handballispassion pic.twitter.com/ir4S4hRNMG
— EHF EURO (@EHFEURO) December 8, 2020
WATCH: HUGE penalty save by @CleoDarleux ?? @FRAHandball ??#ehfeuro2020 #handballispassion pic.twitter.com/xYVGikMBam
— EHF EURO (@EHFEURO) December 8, 2020
WATCH: @tessiewester with a save when it really, really matters for @nedteamhandbal ??#ehfeuro2020 #handballispassion pic.twitter.com/gZnptWCMiR
— EHF EURO (@EHFEURO) December 8, 2020
WATCH: Dione Housheer gives @nedteamhandbal ?? the lead!#ehfeuro2020 #handballispassion pic.twitter.com/6UVaXJfvf4
— EHF EURO (@EHFEURO) December 8, 2020
WATCH: Immense goal from Noémi Háfra as @MKSZhandball ?? take the initiative ?#ehfeuro2020 #handballispassion pic.twitter.com/L5Hi1Lpmyb
— EHF EURO (@EHFEURO) December 8, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.