Спорт
Французите ја „торпедираа“ Србија, Данците и Шпанците со тешки победи
Француската ракометна репрезентација покажа дека уште еднаш е фаворит за медал на Европското првенство овој месец, откако во пријателски меч на турнирот „Златна лига“ на домашен терен со 40:26 (22:13) ја декласираше репрезентацијата на Србија.
Во вториот меч од „Златната лига“ во Франција, во скандинавското дерби, Данска со 28:26 (15:12) беше подобра од Норвешка во драматичен меч кој беше одлучен во финишот.
Данците имаа 15:12 предност на полувреме, но по голем број на грешки, Норвежаните поведоа со 17:16 на стартот на второто полувреме. По ова се играше гол-за-гол, пред по едно исклучување на Сандер Сагосен, Данците преку Јохан Хансен да стигнат до победата.
Носителите на европската титула, Шпанците, пак, се намачија во првото полувреме, но со 28:22 (17:17) ги совладаа соседите Португалија на интернационалнио турнир Барсенас.
Португалците уште еднаш покажаа дека стануваат сила во ракометот и на клупски и на репрезентативен план, но во второто полувреме тимот на Жорди Рибера ја покажа силата, посебно во одбраната и стигна до победа.
Најефикасни за Шпанците беа поранешните вардарци, Македа (6) и Алекс Душебаев (4), додека Коралес на голот имаше 31 одбрана. Во вториот меч на овој турнир, Русија со 30:25 ја победи Полска.
Босна и Херцеговина пак, загуби добиен меч, откако од предност од 24:21 на 12 минути пред крајот, на крајот во Пореч загуби со 30:27 од репрезентацијата на Катар. Марко Паниќ имаше пет гола, Никола Прце четири, додека Капоте и Марцо за Катар имаа по седум голови.
ПРИЈАТЕЛСКИ НАТПРЕВАРИ
Шпанија – Португалија 30:25 (17:17)
Русија – Полска 30:25 (15:14)
Данска – Норвешка 28:26 (15:12)
Франција – Србија 40:26 (22:13)
Тунис – Холандија 30:29 (12:13)
Босна и Херцеговина – Катар 27:30 (15:13)
Швајцарија – Украина 32:22 (20:11)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.