Тренерот на Лајпциг, Јулијан Нагелсман, наводно бил заинтересиран да застане на кормилото на Тотенхем, доколку Спарс му врачат отказ на Жозе Мурињо.

„Билд“, тврди, дека Нагелсман, не би го Тотенхем, доколку претседателот Даниел Леви излезе со конкретна понуда.

Од друга страна во Лајпциг се веруваат дека Нагелсман ќе остане кај нив.

„Кога добро работите, тогаш сите се заинтересирани за вас. Јулијан се чувствува добро кај нас, има се што му треба. Тимот се развива на вистински начин. Поради то не гледам зошто би сакал да направи промена во кариерата. Покрај тоа тој има цврст договор“, рекол директорот на Лајпциг, Маркус Кроше.

Нагелсман со Лајпциг, оваа сезона, се бори за титулата во Бундес лигата, на табелата имаат два бода помалку од лидерот Баерн Минхен.

Лаутаро Мартинез, потврдил дека наскоро ќе го стави својот потпис на новиот договор со Интер. Неговиот актуелен договор истекува во јуни 2023 година. Аргентинецот, минатото лето, беше пред трансфер во Барселона, меѓутоа клубот од „Ноу Камп“, немаше пари да го покрие обесштетувањето од 111 милиони евра, а Интер ја одбија можноста за Лаутаро да добијат помала сума на пари и еден или двајца фудбалери.

„Вистина е дека преговарав со Барселона и трансферот за малку ќе се реализираше. Сепак тоа не се случи, тоа го оставив зад себе. Сега воопшто не размислувам за Барселона, само Интер ми е во мислите, тоа и му го кажав на тренерот“, рекол Лаутаро за „Газета дело Спорт“ и дополнил.

„Сигурно ќе го продолжам договорот. Не знам кога тоа ќе се случи, но ќе се случи. Уште долги години се гледам себе си во Интер. Ми се допаѓа градот, тимот, храната, навивачите. Навистина уживам“.

Лаутаро во 2018 година, за 25 милиони евра, од Расинг се пресели во Интер. За Интер има одиграно 117 натпревари, на кои постигнал 45 голови, 15 од нив постигнал оваа сезона.

Менаџерот на Ливерпул, Јирген Клоп, смета дека нема потреба од некаква голема реконструкција во неговиот тим, во летниот преоден рок.

12 фудбалери на Ливерпул имаат 28 или повеќе години, деветмина од нив се стандардни во првиот тим, поради тоа новинарите го прашале Клоп дали планира некаква реконструкција во преодниот рок.

„Што значи збот реконструкција? 10 играчи да си заминат и дојдат 10 нови? Знам која ви е поентата, но сметам дека не е време за големи промени“, рекол Клоп.

„Првиот тим немаше многу прилики да игра заедно оваа сезона. Секако дека некакви промени ќе има. Че реагираме онака како наложува ситуацијата. Не сум сугурен што точно ќе направиме летово, нешто ќе се обидеме да направиме“, заклучил менаџерот на Ливерпул.

„Црвените“, во недела, ќе гостуваат кај Шефилд јунајтед. По серијата од четирите порази, Ливерпул мора да победи кај „фенерџијата“ во Премиер лигата.