Лионел Меси освои куп титули со Барселона во блескавата кариера, но барем засега успехот со аргентинската репрезентација му недостига откако ниту на светските првенства ниту на Копа Америка неговата брилијантност не е претворена во титула.

Најблиску до трофејот, секако, беше на СП во Бразил во 2014 година кога Аргентина загуби во финалето во Рио од Германија во продолженијата. Видеокомпилацијата од турнирот покажува колку добар бил тогаш Лео.

Тој беше клучен во мечот од осмина-финалето против Швајцарија, а по крајот на турнирот, ја доби „Златната топка“ иако не ја освои титулата. Во 2018 година самиот Меси призна дека секој ден размислува за поразот од Германија.

„Проверував на ‘Инстаграм’ со пијачка и видов еден момент од тоа финале. Не се сеќавав дека тоа се случи. Потоа малку гледав од мечот. Но, промашувањето во финалето, уште размислувам како ја удрив топката, како ја поставив ногата… Има моменти секој ден кога размислувам за финалето. Да замислиш, да станевме светски шампиони? Тоа ќе променеше сè за нас. Ја заслуживме титулата, но не дојдовме до неа. Тоа најмногу ме мачи“, призна тогаш Меси.

Lionel Messi, World Cup 2014

One of the best individual campaigns in football history pic.twitter.com/5rpPkoQwQY

— Ryan (@RyanDMi) February 22, 2021

Јувентус, според италијанскиот закон, ги објави финансиските извештаи за работата во првите шест месеци од сезоната 2020/2021 потврдувајќи дека има загуба од 113,7 милиони евра, секако поради влијанието на коронавирусот и отсуството на навивачи на стадионот.

Бордот на директори на Јувентус под водство на претседателот Андреа Ањели го потврди полугодишниот извештај и потврди дека приходите биле 258,3 милиони евра, огромно намалување од 322,3 милиона евра во 2019/2020. Трошоците пораснале на 263,4 милиони евра.

Јувентус прави процена дека, само поради коронавирусот, тимот загубил 50 милиони евра во овие шест месеци.

Германските обвинители повторно го отвориле случајот против ѕвездата на Баерн Минхен, Џером Боатенг, откога се појавиле нови информации за неговиот наводен напад на поранешната девојка Касја Ленхард по нејзиното самоубиство, тврдат германските медиуми.

Случајот првпат беше отворен во 2019, но беше затворен минатото лето откако Ленхард не сакаше да оди понатаму со обвиненијата. Боатенг беше обвинет дека ја нападна во октомври 2019 година, една година пред нивната јавна разделба, која на крајот заврши со самоубиство на поранешната манекенка.

Фотографиите од повреденото уво на Ленхард беа споделени кусо на социјалните мрежи, но веднаш избришани неколку часа пред 25-годишната Ленхард да биде пронајдена мртва во нејзиниот стан во Берлин.

Боатенг неодамна ја обвини Ленхард, која е родена во Полска, за саботирање на неговата претходна врска со девојката Ребека, како и за уценување да останат заедно. Централниот бек, кој ја освои светската титула со Германија во 2014 и Лигата на шампионите со Баерн во 2013 и 2020, покрај ова, е обвинет за напад во посебен случај од уште една поранешна девојка – Шерин Зенлер, но случајот е ставен на пауза поради ограничувањата во Германија поради пандемијата на Ковид-19.

Поранешната девојка на Џером Боатенг извршила самоубиство